2020年5月18日星期一

【好物分享】搬屋一條龍 蘋果迷你倉 APPLE STORAGE + 蘋果搬運 APPLE MOVING

搬屋~ 聽到呢兩個字,我就雞皮都起,因為知道好麻煩好多嘢攪,簡直係個惡夢!不過今次搬屋搵咗蘋果迷你倉幫手,估唔到好順利,仲要過程冇同老婆嘈過,哈哈~



話說個多月前,新屋裝修都去到尾聲,我哋都開始要執嘢,但係小朋友越大,屋企嘅嘢就越多,以前搬屋預40個紙皮箱就夠,今次要預50個以上~(滴汗)


不過今次搵咗蘋果迷你倉,原來佢哋有個存倉+搬屋服務,我可以先短租一個倉,將我屋企一半嘅嘢預先搬入倉,然後到正式搬屋嗰日再一次過搬哂舊屋+倉嘅嘢去新屋。




點解要咁做?因為你知道搬屋Pack到成屋都係嘢,根本冇位行甚至連企都冇掟企,所以預先搬走一堆嘢,咁再pack埋餘下的都會比較輕鬆同方便,可以令搬屋期間仍然可以有生活質素。




不過要哥哥同妹妹預先將佢哋玩具先Pack第一轉入倉,兩個就好唔捨得!哈哈~(冇辦法,因為一定要將D少用物品先入倉。)




差唔多距離正式搬屋一個月前,蘋果搬運 APPLE MOVING同事就來幫忙將我第一轉的物品先入倉。




行動非常迅速又企理,唔駛15分鐘就將所有嘢搬走咗。




然後我就跟埋車,一齊到位於荃灣的蘋果迷你倉(榮亞店),之前我已經在這裡選了一個倉及辦理開倉手續。




見到鄧梓峰,真係輕輕鬆鬆喎!




店內寬敞舒適,有水同wifi提供,上嚟執倉都可以好悠閒。




呢個就係我搬屋期間租用的迷你倉,其實一D都唔迷你,仲大過我間房喎,哈哈~






我之前在USPACE的物品,都一齊儲在呢個倉。




搬運哥哥再一次迅速KO,幫我搬好哂入倉。


真係好!屋企可以在搬屋前有番多D空間,差唔多一半物品已經先入倉lu~




眨吓眼又過咗一個月,話咁快就到我正式搬屋的日子,呢堆就係我舊屋餘下的物品。




師傅先幫我拆掉唔要的舊床同傢私。





呢個堆到好似座山的雜物,好在唔駛自己搬!




我撓埋對手等搬運哥哥全部幫我搬上車。


佢哋都預備好多唔同的搬運工具幫我。




仲有呢個掛衣架,可以好乾淨好整齊咁搬走我堆掛衣。




半個鐘內攪掂哂,然後我就跟埋車,準備去蘋果迷你倉(榮亞店) 搬埋其餘的去新屋~




搬屋可能對好多人嚟講真係一個惡夢,因為要擺到成屋都係嘢,但係我今次先用蘋果迷你倉+蘋果搬運,先將一半物品入倉,令自己搬屋前屋企仍然有空間生活。




然後到正式搬屋嗰日再group埋一齊搬到新屋,真係成個搬屋過程都好舒服冇壓力!




依家哥哥同芊芊終於有屬於佢哋自己間房lu...




雖然搬屋唔駛再擔心,不過我都真係唔想下下搬屋,哈哈~但係我都會keep住繼續用蘋果迷你倉㗎,因為屋企有無限咁多嘢放唔落!想住得舒適就一定要斷捨離啦~



Photo & Video by iPhone 11 Pro

想跟我去體驗其他活動,快D報名親子團,同埋留意專頁公佈詳情啦!
http://goo.gl/forms/CNZMEPoMIWkouK8o2

(以上資料更新至文章當日)




                 

沒有留言:

發佈留言

Related Posts Plugin for WordPress, Blogger...