2018年12月30日星期日

【台灣親子遊】台北 超萌變身~~ 變變變!Move生物體驗展 MOVE生きものになれる展 @華山1914文創園區

今次到台灣其中一個最好玩的體驗,就係日本最新型態的教育型體驗展覽「變變變!MOVE生物體驗展」,剛好遇上展覽第一天開始,正是我們台灣之旅的最後一天,一於玩個夠才回港。

2018年12月22日星期六

【親子好去處】緣來有髮剪體驗店 親子私房菜+理髮店 消防局主題遊戲區

真係一山還有一山高,當我以為波波池+餐廳已經係黃金組合時,原來再新鮮的配合都仲有,今次誠意推介呢個「親子私房菜+理髮店+消防局主題遊戲區」,問你服未?!

【親子學習】海洋公園 探索歷險課程 2018-19

估唔到去海洋公園都有另類玩法,今次參加咗全新一季的「探索歷險課程 2018-19」,可以近距離接觸動物,認識佢哋習性同成長環境,再應用到科學科技上,寓玩樂於學習。

2018年12月18日星期二

【親子餐廳】Campfire Campus Playhouse 室內兒童遊樂場 After3 餐廳

可以話學習 ‧ 玩樂 ‧ 飲食於一身的全新親子好去處 Campfire Campus,除咗一般小朋友啱玩之外,就特別適合好似我呢款湊住一盅兩件一大一細的家庭,大就入去上堂,細就留遊戲室玩個夠。

2018年12月17日星期一

【親子好去處】海洋公園 聖誕全城Hohoho 全港首度音樂劇場《麥兜.出走的魚蛋》

又到聖誕...又到聖誕...每年都好期待海洋公園會找來咩主題一齊玩,果然今年冇令我失望,仲好有驚喜~!有全家都咁鍾意嘅麥兜同麥太,仲帶嚟全港首度上演的《麥兜.出走的魚蛋》音樂劇場。

2018年12月11日星期二

【親子好去處】拍出你眼中的 Disney Christmas

聖誕節冇去過香港迪士尼樂園,點算做過聖誕呀!今年聖誕前夕,同往年一樣,指定動作當然要帶哥哥同芊芊到香港迪士尼樂園玩啦!因為有好多聖誕打卡位,可以記錄低家長同小朋友每個溫馨時刻。

不過大家又有冇諗過,除咗同好多迪士尼朋友影相之外,其實都可以用另一個角度去拍出你眼中的香港迪士尼樂園冬日聖誕。

2018年11月29日星期四

【吸收美好大世界】Playground大玩特玩好去處

一週忙過五天後,一家人都希望周末可以輕鬆一下,也期望幫助小朋友從遊戲中學習。不過有時侯也正因為工作及學業帶來的疲憊,也不想參與嘉年華或開放日等人多擠迫的活動,亦不想帶小朋友到商場購物打咭。因此我會選擇到南昌公園走一走,一邊野餐,同時可吸呼新鮮空氣,讓小朋友做多點運動,絕對是一個適合親子活動的好地方。


2018年11月27日星期二

【玩具推介】littleBits Avengers Hero Inventor Kit

今期流行S.T.E.A.M. 臨近聖誕...兩個又測完驗,一於又送哥哥同芊芊 littleBits 玩具,不過點止玩具咁簡單,以我一貫作風,梗係要寓玩樂寓學習啦!


【親子好去處】黃金海岸酒店 柏靈頓™「熊」抱聖誕

又到聖誕啦!一年一次的節日點可以唔同小朋友開心渡過(有邊個節日唔係一年一次...) 今年黃金海岸酒店搵咗柏靈頓Paddington同有大家一齊萌過聖誕。


2018年11月12日星期一

【親子好去處】AcmePro CAMP FOR ALL 親子露營

若談到親子活動,我最希望那活動可以達到玩樂與學習於一身,更可以有「真實」的相處時間。(非小朋友去玩而大人在按手機) 今次有機會參加AcmePro的親子露營,到處都充滿難忘的回憶。

2018年10月31日星期三

【親子好去處】挪亞方舟度假酒店 馬灣古蹟文化之旅

跟家人來過挪亞方舟多次,今次還是第一次入住酒店,而且還有機會到馬灣大街遊覽,真的是很不一樣的體驗。

2018年10月8日星期一

【輕鬆35分鐘收肚腩】elyze 定位修形 皇牌 CoolSculpting 冷凍溶脂療程 (下)

有人話「吃比瘦有福」,對於我這個貪吃的媽咪當然贊成,但換來的大肚dum,確實自己也看不過眼😝,最麻煩係穿褲或買褲時,也比以往冇咁容易,亦冇咁舒服,所以唔敢俾自己再肥落去~


2018年10月2日星期二

【親子好去處】油街實現 Oi! 玩轉「油」樂場 (已完結)

今日是是但但行咗落去北角,經過油街實現就入去望吓,原來有個小展覽玩轉「油」樂場。

2018年10月1日星期一

【親子好去處】香港兒童探索博物館 Hong Kong Children Discovery Museum

親子福音呀!據問科學館兒童天地已經俾強國人徹底淪陷,不過最新呢期新開的香港兒童探索博物館,絕對更好玩好有Heart!

2018年9月26日星期三

【好物推介】天然有機 澳綠苗 Emu Oil

「濕疹」呢兩個字,聽見都心寒又心酸,因為佢實在好得人驚,看見人家孩子的皮膚又不停癢又覺得好可憐。


2018年9月16日星期日

【親子好去處】Why Open 治癒系Party Room

知道聽日就係8號風球,冇得出街玩就心癢癢,所以一於暴風雨前夕帶哥哥芊芊去玩一玩。我哋去到屯門西鐵5分鐘步程的Party Room - "Why Open"。

2018年9月13日星期四

【親子好去處】MOON WALK 月球漫遊 @始創中心

中秋又到,又係打咭好時侯。今年始創中心帶嚟「月球漫遊Moon Walk」,打造3大特色主題區,大家可以去盡情打咭,我就同哥哥呀芊去咗打靚咭放閃啦!

2018年9月11日星期二

【親子有感】10件不要Hea回孩子的事情

孩子剛出生時,作父母的就是希望他們快快長大能跟自己說一聲「爸」及「媽」,當他們長大後,開始陸陸續續有很多問題發生要處理,有些時侯還覺得很煩人,但是面對各種情況作父母的又應如何處理。


2018年9月3日星期一

【親子好去處】香港西九龍站開放日

高鐵攪咗咁多年,終於話喺今個9月23日真式通車啦,上一次在石崗嗰邊同哥哥參與「高鐵列車開放日」睇過高鐵車廂,今次到「香港西九龍站開放日」我同芊芊去最新的西九龍站。

2018年9月2日星期日

【親子好去處】黑暗中對話體驗館 dialogue in the dark exhibition

等咗咁多年終於有機會到「黑暗中對話體驗館」,雖然係第一次來體驗,但同時亦可能係最後一次,因為租約期滿後暫時停止運作,最終營業日為2018年9月30日...

2018年8月31日星期五

【親子好去處】兒童歌劇《魔笛》@香港歌劇院

哥哥同芊芊都開始大個,更適合帶佢哋去欣賞更多不同演出,呢晚就入場睇咗香港歌劇院的兒童歌劇《魔笛》。

2018年8月29日星期三

【親子好去處】SONY Action Cam X Champimom BALANCE BIKE ADVENTURES

多謝 SONY Action Cam 及 親子平台 Champimom 的邀請,出席 BALANCE BIKE ADVENTURES 挑戰平衡車的活動,同好多個家庭一齊用 Sony FDR-X3000R 4K光學防震Action Cam 嚟捕捉小朋友最真的一面。

2018年8月23日星期四

【親子餐廳】馬灣臨海親子餐廳 Cafe Roma

好多時去親子餐廳,都係小朋友最歎最開心,食得好又玩得放,大人就跟出跟入仲辛苦過番工,呢日去到馬灣這間臨海親子餐廳 Cafe Roma,終於可以過番個悠閒下午嘆一嘆。

2018年8月21日星期二

【親子開學】D‧PARK愉景新城《開學全攻略》

點解眨吓眼個暑假又就嚟完㗎!( 唉,都要接受現實吧!)尤其是芊芊今年就小一,都要開始回神過來替她準備一下開學用品,我哋呢日就到愉景新城的開學用品展掃貨。

【親子餐廳】焱咲自煮理平板燒概念店 香港親子餐廳

一班老友幾個家庭聚首一堂,找了一個我多年前已預約過但最後也去不成的餐廳,這次終於有機會到來試一試,真的是很愉快的一個晚上。

2018年8月20日星期一

【親子好去處】皇家加勒比國際遊輪 海洋航行者號 Royal Caribbean International Voyager of the Seas

呢日我哋一家人帶埋公公婆婆上皇家加勒比國際遊輪參觀,小朋友從來只有離遠望見呢首大郵輪,今次終於可以親身踏上呢首大郵輪「海洋航行者號」。

2018年8月15日星期三

2018年8月13日星期一

【親子好去處】Citywalk ‧ Toysoul ‧ Mallnival 盛夏嘉年華

今年暑假荃新天地帶嚟《亞洲玩具展 TOYSOUL 2018 – Junior @ Citywalk》同埋Citywalk ‧ Toysoul ‧ Mallnival 盛夏嘉年華》,分別喺荃新天地 1 期及2期中庭,已經踏入尾聲最後一個星期,大家快D捉住玩具尾巴去玩番日啦!


大家除咗可以去1 期中庭玩具展之外,我特別要介紹2 期中庭嘅Citywalk ‧ Toysoul ‧ Mallnival 盛夏嘉年華,因為有好多攤位遊戲可以俾一家大細去玩。

成個場紅卜卜超搶眼,十足十去咗個盛大嘉年華會玩咁。場地設有一巨型夾公仔機同埋六款經典攤位遊戲。


一套10張遊戲券$100,每個攤位以遊戲券兌換遊戲。(文末會有攤位遊戲詳細兌換資料)



如果買滿$200遊戲券,就送您Hello Kitty 滾滾糖果塔 (零售價 $69.9)


買滿$300遊戲券,仲即送迪士尼Emoji咕𠱸系列-米妮 (零售價 $100)





除咗咁如果想玩得更加盡,仲有幾個小貼士俾大家。

1. 即場購買遊戲券︰因為買10張遊戲券就會送多1張,所以頭先如果你一次過買$300就可以多3張遊戲券去玩。

2. 消費換領遊戲券︰另外如果喺商場1期或2期以電子貨幣於單一商戶即日消費滿$100,就可換領遊戲券1張(每套有效發票最多可換領遊戲券3張)

3. 荃新天地聯同玩具銀行推出舊玩具回收計劃,支持環保亦可以幫到有需要嘅人。小朋友只要捐出自己完好無缺嘅舊玩具*,就可以免費換領《Citywalk ‧ Toysoul ‧ Mallnival 盛夏嘉年華》遊戲券1張!

*關於回收計劃細則,可參考此連結
https://www.facebook.com/citywalk.hk/photos/a.467602480575.380428.288280225575/10160620526875576/?type=3&theater


巨型夾蛋機 2張遊戲券即可挑戰兩次 


部夾蛋機可以話係夾公仔同扭蛋機結合,因為夾起嘅顏色波波裡面都有隨機小禮物,只要個位落得中,完全冇難度,幾乎百夾百中。



攤位遊戲1 一擲彩虹 1張遊戲券即可換領5個代幣 

嘉年華冇掉彩虹點稱得上做嘉年華呀!




攤位遊戲2 - 拋吧!捕球挑戰 2張遊戲券即可換領 5次拋球機會


呢個遊戲非常有技巧,我自己就超鍾意玩,通常俾小朋友玩就一定掉落去就會太大力彈番出嚟,不過都要俾佢哋試下嘅!




等我俾個貼士大家,一定要落下旋先可以穩定個波喺桶裏面。



攤位遊戲3 - 牛奶樽投球 2張遊戲券即可換領 5次機會 



呢個遊戲好考眼界,我老眼昏花都係交俾小朋友玩好喇。



攤位遊戲4 - 玻璃樽大挑戰 2張遊戲券即可換領 5個圓環 

我玩呢個遊戲通常會一次過5個環掉哂出去,哈哈~





攤位遊戲5 - 鐵罐能手 2張遊戲券兌換5個豆袋 

簡直可以話係力的表現,一定要手眼合一,先可以一氣掉中!小朋友就最鍾意玩呢個遊戲。




攤位遊戲6 - 冰壺遊戲 2張遊戲券兌換6個冰壺機會

另一個我好鍾意玩嘅遊戲,但唔好以為自己好叻喎,可能小朋友都隨時勁過你。





《Citywalk ‧ Toysoul ‧ Mallnival 盛夏嘉年華》剩番最後呢幾日(8月19日最後一天),快D帶小朋友去玩番日,如果贏唔到公仔獎品,都仲可以過番 1期玩具展補番數。

依家我仲會送出$100遊戲券(10個名額),大家快D去我專頁參加啦!

http://bit.ly/2qzPILh

《亞洲玩具展 TOYSOUL 2018 – Junior @ Citywalk》
日期: 即日 至 2018 年 8 月 19 日
時間: 上午 11 時 至 晚上 8 時
地點: 荃新天地 1 期中庭

《Citywalk ‧ Toysoul ‧ Mallnival 盛夏嘉年華》

日期: 即日 至 2018 年 8 月 19 日
時間: 上午 11 時 至 晚上 8 時
地點: 荃新天地 2 期中庭

巨型夾蛋機 購買2張遊戲券即可挑戰兩次


攤位遊戲1 - 一擲彩虹(1張遊戲券即可換領5個代幣)


攤位遊戲2 - 拋吧!(捕球挑戰 2張遊戲券即可換領 5次拋球機會)


攤位遊戲3 - 牛奶樽投球 (2張遊戲券即可換領 5次機會)


攤位遊戲4 - 玻璃樽大挑戰 (2張遊戲券即可換領 5個圓環)


攤位遊戲5 - 鐵罐能手 (2張遊戲券兌換5個豆袋)


攤位遊戲6 - 冰壺遊戲 (2張遊戲券兌換6個冰壺機會)


(以上資料更新至文章當日)




                 
Related Posts Plugin for WordPress, Blogger...