2022年2月8日星期二

【好物推介】為小朋友同毛孩而設嘅吸塵機 MIELE BOOST CX1 Cat&Dog無塵袋吸塵機

 向來都係我打理屋企家頭細務,吸塵簡直係我的生活日常,我都唔知點解只要隔日唔清潔,就已經成地都係頭毛同超級勁多塵。


講到吸塵機,我都真係可以話係半個專家,因為好多家用,甚至商業用的,我都用過!除咗吸力強勁重要之外,其實簡易清潔同埋方便易用都一樣咁好緊要,所以我有好幾部都俾我打咗入冷宮。

最近留意到 Miele 全新推出的無塵袋吸塵機,叫做 Boost CX1 Cat&Dog,見到個名就知佢係專為有養寵物的家庭而設,雖然我冇養小動物,不過都一樣啱用。因為屋企有個鼻敏感人 - 呀哥,所以由細到大,我都特別注意屋企衞生,同埋盡量空氣流通,多氧少塵。

第一件事要留意的,佢係德國品牌,始終有信心保證,起碼唔會成日壞要保養維修。

相比之下,我比較鐘意無塵袋的吸塵機,一來環保啲,二來冇咁嘥錢,仲有三來唔使換袋冇咁麻煩!之後試過用水濾式的吸塵機,雖然塵真係唔會周圍飛,不過部機真係太大部,同埋每次吸塵都好麻煩。

配件方面唔算好多,但係已包括傢俬吸咀、縫隙吸咀及圓形塵刷,足夠我日常使用。

所以見到 Miele Boost CX1 Cat&Dog 的賣點係無塵袋,我就即刻去專門店試吓,首先佢吸力方面,真係超強勁,佢用咗 Vortex 氣旋技術,配上圓形塵刷就算牆腳或角落位都可以吸得好乾淨。仲有旋轉鈕制選擇不同吸力。



安裝超級簡易方便,就算呀芊出動都只係兩三下功夫,1分鐘唔駛就接駁好~

我好鍾意佢支伸縮吸管,可以隨意調交佢嘅高度。


佢有四個唔同吸力,適合吸不同地方,好似窗廉、地毯、木地板及磚地板。

而且佢都係用HEPA濾網,依家好多空氣清新機都已經係用緊佢,加上佢3重過濾的設計,可以有效咁Lock住99.95% 細至0.3微米的微塵及致敏原。


另外唔好以為佢唔係手提式就好唔方便,佢機身唔算大,配上「TrackDrive」側輪設計,可以好方便就拖住部機周圍吸,連呀芊都可以輕易控制。


就算連梳化底都一樣咁輕易處理。


你哋睇吓幾日就已經勁多塵~


攪掂哂,勁乾淨!


「Cat&Dog」型號仲配備咗「渦輪塵刷」,吸塵時可以形成高速拍打,有效去除深藏床褥入面嘅致敏原,仲唔會吸住張床㖭!~

最方便係「一鍵倒塵」呢個賣點,唔駛好似其他機式,D毛髮Kick住哂倒唔到出嚟。仲有佢出風位始終在機身上,唔會好似D手提式位置咁高,最後可能在高處噴番哂出嚟,自己食番哂D塵。




最後不得不提的就係吸塵機的外型,係「曜石黑」全黑款式,真係好有型囉~成架跑車咁,佢小巧嘅機身設計加上高效嘅表現,仲攞咗「2021年度紅點產品設計大獎」。


依家屋企多咗個小幫手,日日都話要爭住幫手吸塵,我就可以安安樂樂咁坐低煲劇啦~哈哈!


配上不同吸頭,可以吸埋D死位同埋床同梳化㖭!

Photo & Video by iPhone11 Pro

想跟我去體驗其他活動,快D報名親子團,同埋留意專頁公佈詳情啦!http://goo.gl/forms/CNZMEPoMIWkouK8o2

(以上資料更新至文章當日)




                 
Related Posts Plugin for WordPress, Blogger...