2017年11月19日星期日

【親子好去處】大欖隧道轉車站農場 (Part 2) (已結業)

上晝嘅活動已經好精采,整完Pizza又織過草蜢,究竟下晝仲有咩玩呢? 大欖隧道轉車站農場實在一個值得大家去玩的地方



睇完上集介紹係咪已經好想同小朋友嚟農場玩一玩呢!
https://kimfamilytravel.com/2017/11/hqproduct-1-fullversion.html

因為大家的Pizza都焗緊,活動比原先定的時間Overrun咗少少,所以「嫲嫲」擔心大家肚仔餓,做了些繪蕃薯俾大家食! 真係好窩心呀




然後「嫲嫲」帶大家到農場走一圈,介紹一下植物! 因為剛過了的10號風球,所以農場有點設施也被催毁了




相中見到的白色架,以前載着好多植物! 希望農場快D回復原貌








我哋一邊行,兩隻狗狗都跟住大家! 


真係好啦! 原來呢個農場有隻小羊,所有小朋友都好開心,「嫲嫲」即刻俾D草佢哋去餵



小朋友自己仲會自己去發掘農場其他有事物,好似哥哥就搵到一朵咁靚嘅花!


呀芊就周圍搵「怕醜草」去撳佢哋等佢哋摺埋 ^...^




轉個頭導賞完番埋位,Pizza已經出爐啦!!!! (當然唔止咁少,第2 Round已經入爐)


哥哥嗰塊已經焗好! 相中最下嗰塊




那邊廂「嫲嫲」仲擔心我哋唔夠飽,請我哋食水餃! 聽過水餃係「奴隸」姨姨尋晚專登番農場包俾大家,好感動呀....






大家拎住自己親手做嘅Pizza,走到大自然環境中慢慢享受,真係好正!





呀芊同其他同學仔一齊開心Share




「嫲嫲」的水餃都煮好!




呀芊嘅車車造型Pizza終於出爐,獨一無二的Pizza,真係去Pizza乞再好食的都不及自己親手做的



自己親手做的特別有胃口! 食完哥哥那塊,再食自己的




食到飽飽之後,我哋又要準備下個活動啦! 同樣係最受小朋友歡迎的節目之一,就係自製豆腐花啦




「丫嬛」叔叔先俾各小朋友試下黃豆本身的味道


大家都話冇味...然後就唔明白點解整出嚟嘅豆腐花咁好味




同樣由原材料開始教小朋友點樣整豆腐花,先將黃豆放入去攪拌機攪碎!





攪碎後呈奶白色,小朋友都大叫「豆漿」呀!




然後用隔渣袋親手將豆漿搾出




最後剩下的黃豆渣仲可以拎去河度去餵魚,真係一件事可以滿足哂3個願望(豆腐花、豆漿同埋用黃豆渣餵魚)




因為成幾斤黃豆,所以這個步驟都要做5-6次,每個小朋友都一定有機會可以參與



這個小朋友好似期待以久...


一「鍊」落去豆漿彈到周圍都係,「丫嬛」叔叔成身都係....攪到所有大人小朋友都爆笑!


如果有個「最肉緊大獎」我諗非呀芊莫屬!






所有渣出嚟嘅豆漿,「丫嬛」叔叔就拎入去煲


媽咪負責邊煲邊攪,負責睇火! (其實由活動開始,所有家長都有幫忙每一部份的工作,我覺得咁樣比起撓埋對手等食更加有意義)




哥哥這邊就負責預備粟粉魚膠粉,用嚟凝固豆腐花!








豆漿滾起後,就要成煲撞落去魚膠粉度




然後放埋一邊,大概半個鐘就已經完成!


「丫嬛」叔叔仲教我哋裝起豆腐花後,再加入豆漿會更好味更滑






小朋友食完再添!!! 食極都仲有, 最後都食唔哂








食完豆花仲要飲豆漿,真係飽到上心口!



食飽梗係要幫手洗碗啦!



跟住「丫嬛」叔叔同我哋分享一下佢辦農莊的理念


他提倡所有農作物都唔可以落農藥,因為有好多數字顯示,食咗帶有農藥的蔬果都有機會患上癌症




原來有好多我哋以為健康或者「有機」的食物都未必係我哋想像咁有益,所以大家都要注意飲食!




最後「丫嬛」叔叔帶大家到河邊去餵魚,等小朋友放埋最後嘅電,用力掉出去!!!







臨走前同「丫嬛」叔叔影番張相紀念先,我哋仲應承咗出年年頭再去探佢,佢話到時請我哋食農村飯食乳鴿...



Photo by CANON 5D Mark IV, Len | EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 10分

呀劍評語: 下晝的豆腐花活動實在很好玩,可以俾小朋友知道製作過程,又可以參與其中。而且仲可以體驗環保,做豆花豆漿之餘,淨番D渣仲可以拎去餵魚! 農場簡樸舒服,好有「家」的感覺,「丫嬛」叔同「奴隸」姨,仲有「嫲嫲」,就好似去咗親戚家玩一樣自在。


大欖隧道轉車站農場》
「他到了那裡,看見神所賜的恩就歡喜,勸勉眾人,立定心志,恆久靠主。」使徒行傳11:23

「魚菜共生」不可以用農藥,藥霧噴在空氣中,會走到魚池去,魚就會在半個小時內死亡,這是一個比有機耕種更高技巧的農耕法。從事教育事業18年的IT人,在資助學校、私立大學、國際學校工作多年,明白道德比錢重要,所以在2014年全職投入農業,為本地農民提供技術,推廣「安全菜」,有機種植,魚菜共生。


聯絡電話
9776 4971 Aaron

泊車
免費停車場我們有26格私家車停車位若果滿了,可以在附近私人停車場,步行五分鐘回來

網址
http://www.hqproduct.org/


(以上資料更新至文章當日)






沒有留言:

發佈留言

Related Posts Plugin for WordPress, Blogger...