2017年5月7日星期日

【親子好去處】百好繪本士多 Picture Book Store

閱讀係我們從小就接觸的東西,家長都特別希望自己的小朋友能喜愛閱讀,因為從書中的故事可以學到很多不同知識,甚至人生觀及價值觀,知道在屯門有一繪本館開放,我哋就到此一遊看看書玩玩棋。

藍地真係一個從無機會到達的地方,就算我住咗元朗差不多10年,來往屯門數次,但係就遍遍未踏足過藍地。

今次有機會到此一遊,就順便逛逛藍地大街,發現真係好有特色!大家只要搭西鐵到兆康站,然後轉輕鐵(任何一架),只搭一個站便到藍地站了。



落車穿過對面月台,見到公廁再繼續直走出青山公路


見到「陳正記」再望去對面馬路就會見到「季季紅」招牌



直走進去便是藍地大街,呢條街真係好舊式,覺得自己好似番咗上大鄉下咁


雖然係舊,但係裡面的舖頭有舊有新,仲好有特色


呢間「木山士多」,估唔到係賣文具,撞啱今日冇開舖,如果唔係就可以重拾下兒時回憶


對面呢間「潘萬興」係真真正正的超級巿場,連百X惠X都要行埋一邊。


不過行埋去睇見到D玩具咁新潮就不是味兒



鹹魚菜乾我鍾意!




如果你唔係新界人,多數都唔識呢間老字號 「Lam Tei Grill」,在元朗有一家分店,但係呢家就係位於藍地的第一店,大家有機會真係要試試,超好味!



再行冇幾遠見到藍地街巿,街巿門前有呢棵怪樹,呢棵樹可以話係藍地地標,因為佢的樹根好特別打哂蛇餅咁,不過依家有欄杆圍住了。




呢度幾乎所有店舖的店名都係由右至左咁讀法




間唔中都會見到D新開舖頭


由頭先街頭一直行到尾,差唔多用咗10分鐘,終於行到「豫豐花園」,「百好繪本士多」就在眼前

  




士多外的壁畫是一班復康團體合力完成,真係畫得好靚!


百好繪本士多的前身其實是一家叫「英記」的單車舖,後轉為百好士多,但因業主掉空多年,一班家坊媽媽異口同聲的接手改為繪本館。理念很簡單,只希望透過這個平台,凝聚各路有心人,好似以前舊時,街坊鄰居一人煮一味餸,圍埋一齊食個飯。讓我們的下一代都可以重拾那些年的鄰里情。


Photo by CANON 5D Mark IV, Len | EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 10


呀劍評語: 簡簡單單的一個小確幸,一班熱心無私的媽媽們,發起創造這個小天地,一切都是為着我們的下一代,實在很值得去的一個地方,而且也影響到我要繼續堅持每晚跟小朋友說故事的習慣。

百好繪本士多 簡介

繪本是媒介,重點在聯繫 <百好繪本士多> 讓大家重括久違了的人情味 - 連人,種情,惜地。

= 繪本圖書館,玩具圖書館 

= 繪本故事時間 
= 繪本學堂 
= 可舉辦各類讀書會

不賣汽水 賣故事 不賣香煙 賣人情


地點

藍地藍地大街及福亨村路交界

交通

西鐵兆康站轉乘輕鐵到藍地站落,至青山公路(藍地段)過馬路達對面藍地大街直入到盡頭

開放時間

不定時,請留意專頁資料更新

網址

www.facebook.com/picturebookstore


(以上資料更新至文章當日)






沒有留言:

發佈留言

Related Posts Plugin for WordPress, Blogger...