2017年4月14日星期五

【親子飲食】長洲 針板西瓜+菠蘿神仙棒

入嚟長洲仲係食緊大魚蛋、扭扭薯片脆同埋芒果糯米糍?咁OUT㗎你!梗係入嚟食針板咁大塊嘅鮮西瓜冰條同埋鮮菠蘿冰條啦


呢家名不虛傳的店舖個名叫「海盜王」但係唔理你係咩王,食物先係重點!佢位於近長洲碼頭的百佳隔離


佢最出名係呢個AAA級金枕頭,不過我哋都對榴蓮不大興趣


佢哋不單止有基本成日食到的糯米糍沙冰等,仲有好幾款自己創新的食品,不過幾把口真係試唔哂佢咁多款甜品


仲有呢款魚脆,下次有機會都一定要試一試




呢款名為「懷舊焦糖餅」,老闆娘盧太話天時熱冇咩人食,所以都暫停供應,佢話冬天嗰陣真係排哂長龍咁話!



今日天氣又悶又焗,今次我哋就試試呢兩款手工鮮果冰條

一款係鮮菠蘿冰條(我鍾意叫佢菠蘿神仙棒,因為佢塊菠蘿中間塊心型西瓜,十足十小忌廉用嚟變身支神仙棒...)又暴露咗自己年紀

另一款叫鮮西瓜冰條(我就覺得如果叫佢做針板西瓜仲貼切)


拎住兩塊俾佢哋揀,果然女仔都係鍾意靚靚嘅菠蘿神仙棒。唔講唔知道原來中間個心型西瓜就咁用水結成冰咁黐住㗎咋!


男仔豪氣又貪心,一定係揀呢塊西瓜大針板!


特別聲明:呀芊個樣絕對唔係因為支雪條,係佢純綷攪笑!



原來舖頭放咗支超大焦糖餅做招牌!


老實講長洲芒果糯米糍、大粒魚蛋同扭扭薯片都好多人抄Q,好似芒果糯米糍依家港九新界都見到,仲要個個都話自己係長洲正宗

同老闆盧生傾咗幾句,原來舖頭都係做咗3年多,同其他舖唔同,呢度款款食品都好特別好創新,大家下次嚟長洲就唔駛剩係食魚蛋同糯米糍啦~


雖然糯米糍佢哋唔係最正宗,但係都好好食,仲有分細粒、超大同特大粒!


呢個芒果控,點可以唔買番幾件俾佢食!



頭先同盧太講多幾句,佢見我帶住小朋友,就話我知原來佢仲有另外一個舖!嘩...

舖頭就係百佳前面,原來係間玩具雜貨店,打正旗號賣「超巨泡泡」


各式各樣吹泡泡都有,要大支又得細細支都得!


再嘩...因為有好多超懷舊又經典嘅玩具,玩具傘兵、彈射陀螺、爬牆蜘蛛人等,我對眼即刻發哂光!


地方細細但係真係包羅萬有,新舊玩具都齊,價錢仲好抵買!





如果這大家下次入到嚟長洲,記住搵盧生盧太!我好掛住佢支針板西瓜呀...


食到等緊船都仲食緊...真係抵食夾大件!Yummy!



Photo by CANON 5D Mark IV, Len | EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 10分


呀劍評語: 下次入到嚟長洲可以介紹朋友食針板西瓜同菠蘿神仙棒,夏天人人食番支真係透人涼!再過去盧太玩具雜貨舖買番頂帽同沙灘用品兼玩具,可以同小朋友玩餐飽!

地點

長洲新興後街152號地下

Whatsapp

6130 7939

(以上資料更新至文章當日)




沒有留言:

發佈留言

Related Posts Plugin for WordPress, Blogger...