2017年3月6日星期一

【好物推介】Van Gogh Effect 梵高把你的畫作變實物

大家有冇諗過自己畫的畫可以變做實物呢?! 最近 Van Gogh Effect 幫哥哥同呀芊畫的兩幅畫一變變咗做兩個咕𠱸! 佢哋兩個簡直覺得好不可思議


其實Van Gogh Effect有好幾樣製成品可以選擇,有T-shirt, Tote Bag, Pencil Case之類, 我哋揀咗兩個小Cushion





要拎去印製之前梗係要諗諗畫咩畫先啦! 畫嗰陣其實我都冇同佢哋講會拎去印Cushion,我只係話俾佢哋知,我會將你哋畫既畫變出嚟,我估佢哋都唔係好信 不過只要係畫畫,佢哋都會好認真咁畫!






我冇俾範圍佢哋兩個,叫佢哋鍾意畫咩就畫咩,只係要佢哋盡量畫滿喺一張A4紙上面










事隔一個星期,終於收到製成品啦! Van Gogh Effect 免費寄番嚟俾我哋,兩個見到自己幅畫變咗個Cushion,開心到不得了!





依家晚晚都要攬住佢哋嚟瞓! 😚




兩個即刻要試吓好唔好瞓先! 好攪笑...😂





依家呀劍仲送出5個名額,可以俾你小朋友畫作變成實物晚晚攬住瞓,詳情到呀劍萬帥facebook專頁參與,3月15日截止!



Photo by CANON 5D Mark IV, Len | EF 24-70mm f2.8L II USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 10


呀劍評語: 好耐之前我就諗過呢門生意,估唔到真係有人做咗! 原來當你收到咕𠱸之後真係會好開心,小朋友自己畫過的畫可以變成實物,佢哋都覺得好Amazing! 其實係咪畫幾大個就會有幾大個Cushion,總之我拎張A0畫紙出嚟畫啦!!!


Van Gogh Effect 簡介
梵高效應由一群繪畫喜愛者,想藉由梵高效應,令更多孩童開始認識藝術,令藝術不再局限於紙上,而可擴展在更多其他物件上。

(以上資料更新至文章當日)





沒有留言:

發佈留言

Related Posts Plugin for WordPress, Blogger...