2017年3月25日星期六

【親子好去處】元州邨 森林太空海洋 3大主題兒童遊樂場

位於元州邨商場及四期附近的兒童遊樂場,平時經過唔多覺,原來呢度有3個遊樂場,每個仲有特別主題,設施的設計連圖案上都同主題夾番!



第一個主題遊樂場係以森林為題,設施上都特別多係攀爬式,好似爬山石及Monkey Bar等。整個設計都以啡及綠色為主,模擬樹木的特色!



每個主題遊樂場在設施的頂層都有個徵號,一望就知道呢個圖案代表森林啦!


仲有兩隻馬騮!






哥哥對呢個設施特別有興趣,要順序將A-Z排列番好! 都有一定難度架


呢條小橋就好似阿瑪遜森林連於兩樹幹的木橋


差唔多一半都係攀爬式遊樂設施


嚟得森林梗係要扮吓泰山啦!







離開這個森林主題兒童遊樂場,在對出的有蓋長廊都設有兩個小小遊樂設施





轉個彎嚟到商場對出的兩個遊樂場,近D這個係以太空為主題的!!


不單止地上軟墊用紅黑為主色,圖案仲好似星球上的凹凸不平,最頂頂又見到這個設施的徵號,係一個土星標記


周圍都以透明膠為設計材料!



這個遊樂場的設施多是以旋轉式或搖擺式,就好似在太空中飄浮一樣! 哈哈~

一嚟就見到呢個好似UFO咁既氹氹轉




有太空人同火箭造型




係咪好似坐咗喺太空船或火箭裡面呢!




旁邊有個小迷宮





再行過些又有另一個氹氹轉,相信這個適合較高的小朋友


仲有其他火箭、飛機、UFO造型搖搖櫈





最後就是這個海洋為主題的遊樂設施,一個船頭造型已經充滿特色



加埋呢支船旗更加似模似樣! 芊芊話呢個係Gold Fish餅乾


徵號係一個帆船標記,顏色都以藍色為主,地上的軟墊圖案都好似做到波浪一樣!


周圍仲有船長、八爪魚等圖案及設計


所有欄杆都係我好鍾意的湖水藍色


要特別介紹係呢條波浪型瀡滑梯,一般我哋見到的最多都係得2折波浪位,而這個就有3折,真係可以玩到個小朋友彈起身


呢個攀爬設施我就聯想唔到係同個海洋有咩關係....??




Photo by CANON 5D Mark III, Len | EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 10分


呀劍評語: 其實留意身邊一事一物,好似這個普普通通的公園,玩起上嚟都變得特別有意思。

地點
九龍深水埗長沙灣元州街元州邨

(以上資料更新至文章當日)





沒有留言:

發佈留言

Related Posts Plugin for WordPress, Blogger...