2017年3月12日星期日

【親子好去處】韆鞦樂園 Swing Garden @黃金海岸住宅2期 Gold Coast Residence Phase2

一個只有韆鞦的公園,最啱一班韆鞦小粉絲嚟玩,包括芊芊在內,佢一聽到有得打韆鞦就超興奮!



在黃金海岸住宅二期內,有7組不同類型的韆鞦圍着,地面全部係安全軟墊,十分安全!


玩既時侯同時可以望住對面玩緊既小朋友!


另外一個最有賣點既雙人韆鞦,喺香港的公園都比較少見! 一邊係俾身高較小110厘米以下的小朋友坐,另一邊係俾家長或者好似哥哥咁既大朋友坐


有種似海盜船既感覺


哥哥拋到好高,開始有離心力,芊芊都變得驚驚哋,哈哈!!! 



又驚又笑!! 唔知係咩心情




呢個親子韆鞦啱哂佢兩兄妹玩!




附近仲有D石像調素,原來走埋去都有得玩架喎!


我叫哥哥同妹妹自己發揮創意,走埋去石像度同佢哋影相,配合石像的動作可以有唔同既故事劇情


妹妹呢個係咩動作? 打劫定綁架?


如果同真人玩嗰陣佢咁樣拉人哋孖辮就慘喇...


哥哥扮同佢玩包剪揼,兩邊都贏哂!!!


其實只要花D心思,就可以利用環境教學! 就咁玩都可以玩咗成半個鐘! 真係利害(自己讚自己)



其實佢哋做咩呢? 係咪大家一齊發現寶藏呢?


Photo by CANON 5D Mark III, Len | EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 10分


呀劍評語: 其實香港應該增設多一些這些特色公園,好似全部係滑梯的公園,全部係攀爬的公園。好似呢個全部係韆鞦的公園實在少見,如果再加大多些同埋多其他款式的韆鞦就好! 不過這裡是一個私人屋苑,大家如果有朋友仔喺度位先可以入到嚟玩呀!

韆鞦樂園 簡介
香港黃金海岸住宅會所新建的韆鞦樂園 Swing Garden,為小朋友帶來驚心刺激的玩槳時光,一洗讀書功課所致的壓力。7組不同類型的韆鞦圍著而建於全新的安全軟墊上,小朋友在玩樂同時欣賞其他人的歡樂笑容。部份韆鞦特設背部防跌欄,更能確保安全。另一焦點則為全港稀有的雙人韆鞦,一邊為身高110厘米以下的小朋友而設,另一邊則可讓家長同坐於韆鞦之上,韆鞦跌蕩彷彿坐上小型海盜船,既驚險又刺激!

地址

黃金海岸住宅 2 期

(以上資料更新至文章當日)





5 則留言:

  1. 請問公園在住宅內外來人也可以入去玩嗎?

    回覆刪除
    回覆
    1. 唔可以架,但係都有方法入去玩既!

      刪除
  2. 嘩!亂闖私人地方!

    回覆刪除
    回覆
    1. 唔係呀,今次係黃金海岸PR邀請入去玩的!

      刪除
  3. 即係我們平時唔可以去玩?

    回覆刪除

Related Posts Plugin for WordPress, Blogger...