2017年3月26日星期日

【親子好去處】堅巷花園 Caine Lane Garden 堅道花園 Caine Road Garden

細細個時侯曾經用積木砌過一個大公園,估唔到今日真係有一個一模樣的公園在眼前! 唔單止有得玩仲可以影相打卡呀!



在喺中上環一直向山方向行,經過卜公花園再上就會見到這個堅巷花園,遠遠已經望到紅色城堡!











真係十足十我細個時侯喺屋企玩積木砌出嚟既公園一樣! 呢度十分大,而且有好多層數及樓梯,相信喺度玩伏匿匿應該都會幾好玩!


這裡有個小水池位,不過好多位都生哂锈! 真係超有歷史感


都唔知係D水黃定係個池本身黃!





行到上去第3層有一條橋直通去兒童遊樂場,呢度有3款遊樂設施,中間位置有個小休憩處及一個公共洗手間



最有特色就係呢個三連滑梯,分別有3個唔同高度及斜度

  
呢個人細鬼大的芊芊,只揀最高最斜的嚟瀡! 真係大膽到不得了


唔好以為瀡滑梯唔會有幾斜,呢個真係唔駛1秒就瀡咗落嚟,離心力都幾高架!






第一次瀡芊芊都跌咗落地下! 但係瀡得多就開始架輕就熟啦...仲完美落地



如果較少的小朋友可以玩隔離呢個低難度的瀡滑梯,哈哈~






就連這個公廁外牆都油上紅白格格圖案



這個搖搖板之前在深水埗公園都玩過! 




 

在堅巷花園上面的堅道對面也有一個堅道花園,推開大閘進入




右邊有一般的兒童遊樂場,在設計上真的模仿一個小城堡,而左邊則有4個韆鞦、小涼亭及一個草地休憩處








沿小斜路上去會有公共廁所及小草地休憩處,大家去完堅巷花園可以到旁邊的醫學博物館參觀,又或者再行幾步上到嚟堅道花園打韆鞦或野餐也可!








大家玩完之後仲可以去隔離個醫學博物館逛逛!!



Photo by CANON 5D Mark III, Len | EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 9分


呀劍評語: 一個充滿特色的公園連遊樂場,一座好似積木堆砌而成的巨大城堡,唔單可以同小朋友嚟玩,仲可以係打卡影相位!

地點
半山區堅道

(以上資料更新至文章當日)





沒有留言:

發佈留言

Related Posts Plugin for WordPress, Blogger...