2017年2月1日星期三

【親子玩具推介】Toys"R"Us 玩具"反"斗城 新春必買應節玩具

多謝Toys"R"Us送我哋新年應節玩具,今年係「雞」年, 但係玩具一D都唔「雞」, 仲好啱一家大細玩!

等咗咁多年, 兩隻馬騮終於夠大個同我一齊玩《大富翁》玩, 仲有《大富翁》出過咁多唔同版本, 今次收到呢份禮物, 係最新一個版本叫做《大富翁:棋子狂熱(Token Madness) 》係由香港人一齊投票選出22個地區嘅全新版圖




連同16款棋子(8款全新金棋子及8款銀棋子)超美唷!!!! 



哥哥一拎起棋板以為自己又整爛嘢! 哈哈



兩個都未知點玩就只係喺度揀棋子, 一個要鴨一個要企鵝! 揀完又覺得隔離飯香, 又轉番要跑車, 攪咗一輪都未開始玩









終於開始玩啦, 原來芊芊玩都冇問題, 只要識揀骰仔就OK! ^.^ 同哥哥玩就可以乘機俾佢練吓D加減數(當佢要交稅或者買地起樓嗰時)



呀妹呢張相真係表現出玩《大富翁》嗰種霸氣!



佢哋每人都買到好多地表示好興奮!!! 哈哈, 但係佢唔記得咗我已經起緊樓!



除咗《大富翁》, 仲有另一個玩具公仔, 佢個名都真係冇得輸, 叫做《爆笑鴻運雞》, 睇相都唔知佢有幾攪笑, 去片啦!





芊芊當咗係自己竉物咁, 晚晚都話要攬住佢嚟瞓!





Photo by CANON 5D Mark IV, Len | EF 24-70mm f2.8L II USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 10分


呀劍評語: 如果小朋友新年利是錢大人Keep番哂, 不如送番件玩具俾佢哋開心一下! 快D嚟玩具"反"斗城開心選購「玩」轉雞年。


精選最「hot」賀歲玩具
玩具"反"斗城貼心地準備了一系列「雞」年主題的玩具,如爆笑鴻運雞、得意小雞公仔等,送贈親友必令他們笑逐顏開;而每逢春節拜年親朋戚友共樂,合歡遊戲最適合不過,如「財來奪寶」、「大富翁」等遊戲既可多人合玩而名稱又吉利!另外,為滿足一眾小朋友的渴求,早前被搶購一空、風靡全球的Hatchimals Egg現已全面補貨,在各大分店全線發售,歡迎各位粉絲盡情選購。

全新版「大富翁:棋子狂熱(Token Madness)」已經面世! 建議零售價:HK$279.9


(以上資料更新至文章當日)





沒有留言:

發佈留言

Related Posts Plugin for WordPress, Blogger...