2017年2月5日星期日

【親子好去處】深水埗公園 Sham Shui Po Park

見過莫莉最近介紹深水埗公園新建的兒童遊樂場,所以今日近近哋帶住哥哥同芊芊到此一遊!
本來諗住玩吓就閃,點知佢哋玩到唔捨得走,就咁放電就玩咗成個下晝喇!



原來深水埗公園前身係深水埗軍營一部份,在二次大戰時軍營的南京營及租庇利大樓曾用作戰俘集中營,囚禁大批投降士兵。

軍營荔枝角道舊址及後在一九八三年建成了深水埗公園。公園內仍然保留軍營界石,另外在園內亦設置了兩塊紀念碑,紀念為守衛香港而戰死的英國及加拿大軍人。

住咗深水埗咁耐,終於有機會,深水埗公園有好多個出入口,我哋由荔枝角道入口進入




深水埗公園始終唔近地鐵站,所以就算今日星期日都唔算好多人! 一大個地方俾佢哋兩個任跑任跳





去到中央廣場有個大大的水池,可惜因為冬季所以暫停開放





我哋向住兒童遊樂場進發!



妹妹離遠見到已經一支箭咁跑過去



整個遊樂場面積都算大,場內分為三個區域,俾大中細唔同年紀的小朋友玩。每個設施之間距離都算遠,唔怕小朋友玩的時侯容易撞倒!



呀芊跟住哥哥一嚟就挑戰個高難度!





連接住瀡滑梯,我稱之為「一條龍」或「連續技」這個設施,可以俾小朋友玩計時挑戰自己,我同哥哥計時由起點開始一直爬到去瀡滑梯再瀡埋落嚟為止終點!



哥哥玩完一次又一次,希望自己成績可以快過前一次! 培養到小朋友的耐力堅持及求勝心





另一邊就啱哂BB仔玩! 超迷你瀡滑梯,不過大人都要睇住呀B,始於有其他小朋友跑嚟跑去容易有危險




最後呢邊就適合中朋友,大概3至4歲小朋友
















芊「Daddy, 影我影我...」
我「好呀!」



芊「哎吔!」



其實呢個場的設施都幾有特色而且在其他地方較少見, 不過芊芊冇得玩打韆鞦就有少少失望啦



最近睇得多Harry Potter, 所以在附近執起樹枝扮施魔法(但係影緊期間哥哥枝樹枝斷咗, 超爆笑!)


如果識玩公園一定係咁玩! 其實公園內都有好多唔常見的植物可欣賞, 呢隻花好得意, 全部都係向下垂頭喪氣的, 而且超多蜜蜂喺度採花蜜!




行多兩步又見到另一個玩樂設施


彈弓搖搖板係就係安全好多,但係不及小時侯木製的簡單版刺激




原來呢度有個小型攀石牆,啱哂鍾意爬嚟爬去的哥哥!








仲有呢個影相靚位! 唔知佢係模擬飛機? 定係車? 不過好似水上電單車多D。同埋點解係2、3、7號咁神奇?





離開咗深水埗公園,我哋發現原來在馬路對面的麗閣邨裡面又有一個深水埗公園(第二期)



一於行上去行人天橋過對面望望先





邨裡面設施唔多, 同埋唔係好集中, 每樣設施都分散在唔同位置



OH MY GOD! 有韆鞦...但係維修中



去廁所期間哥哥喺度睇人打籃球, 「也文也武」的我就話我叻過佢哋好多啦! 哥哥就話「咁你入去打囉(高音)」

P.S. 在籃球場旁邊呢個公廁幾新淨幾靚架喎! 廁格都係用木板裝潢的



繼續行又見到一個瀡滑梯設施!



終於俾我哋發現有韆鞦啦! 仲要係俾小朋友坐的超安全座位


哥哥就冇咩興趣,所以過咗隔離又爬過! 明明係冬天, 但係都玩到成身汗要除衫









Photo by CANON 5D Mark IV, Len | EF 24-70mm f2.8L II USM


想跟我去體驗其他活動,快D報名親子團,同埋留意專頁公佈詳情啦!
呀劍評分: 8分


呀劍評語: 唔係住附近都一定唔會嚟的地方,可能你會話遊樂場屋企附近都有啦,但係跟小朋友去吓不同的地方,即使都係遊樂場,但係都係一個不錯的旅程!

深水埗公園 簡介
位置喺深水埗荔枝角道,鄰近寶血會嘉靈學校。公園由康樂及文化事務署管理。深水埗公園現址前身係1927年起好嘅深水埗軍營一部份,香港日治時期做咗戰俘集中營,1983年改建成公園。公園入面重保留咗營盤嘅界石。


免費入場

(以上資料更新至文章當日)





沒有留言:

發佈留言

Related Posts Plugin for WordPress, Blogger...