2017年2月12日星期日

【親子好去處】澳門 燒灰爐兒童公園 兒童電動車 戶外遊樂場 Infantil Do Chunambeiro Park

去到我哋澳門旅程既最後一日! 臨上船我哋都去咗一個小地方玩一玩,就係燒灰爐兒童公園玩電動車啦!



我哋由酒店出發,Check-out之後就搭的士直接到燒灰爐兒童公園,但係我突然唔知做咩失憶,同司機講極都講唔到個公園名,又講碳灰爐、灰沙圍...哈哈~ 好在司機醒目已經估到


燒灰爐兒童公園就係夾喺西灣街同埋灰爐斜巷中間


原來呢個公園都係開放時間! 6:00-23:00



公園裡有個兒童遊樂設施再加一個小小電玩車場





一心諗住即刻去同小朋友玩電動車! 點知原來個場係好細,一眼睇哂! 最多只容納7架車,只係氹氹轉圍住個圈Loop住行




電玩車只需要$5,就可以玩15分鐘,職員就咁用掛喺牆上面既計時器去計算玩車時間


小小既車房仔擺放住幾架維修緊既電玩車



大家首先去拎張飛排隊,電玩車冇限幾多歲以下先準玩,職員會先望望小朋友個Size再決定俾唔俾佢玩,佢見到哥哥咁大個就話佢唔玩得,於是只有妹妹先可以玩!



排隊既時侯就喺隔離玩住瀡滑梯先,我哋都排咗大約20分鐘先至到芊芊!



車款冇得揀,叫飛輪到你既時侯係邊架就要坐邊架,芊芊好想坐呢架白色車,好在輪到佢既時侯真係呢架! (不過其實佢都好易話為既) 只係場內有D車冇咩電行得慢D,如果坐中架慢既就冇咁好玩囉



不時同場內其他小朋友撞車! 哈哈~






經常出現大塞車!!!





芊芊開車個樣好認真,非常小心謹慎! 睇嚟佢大個好適合去開車。













公園的另外一個入口







公園內設有公廁



好得意造型的垃圾筒





臨走前連石春路都要玩一玩!







今次哥哥就冇得玩車,陪住妹妹嚟玩。媽咪就同哥哥一齊喺公園坐低玩摺紙! 一樣咁開心





離開之後我哋過咗對面馬路,呢度就係南灣湖的「雅文湖畔」,本來打算都嚟呢度踩水上單車玩玩,不過今次旅程唔夠時間! 唯有等下次再有機會嚟先再玩




踩住水上單車睇住個靚景都真係好正好舒服!



四人單車 $40,二人單車 $20,玩半小時 (記住只收澳幣),如果想坐有天鵝造型的水上單車,只有二人單車先至有!





踩完仲可以去巿集Shopping! 大家有興趣都可以去玩玩呀(小貼士:中午後會比較多人,有機會等一小時或以上)

Photo by CANON 5D Mark IV, Len | EF 24-70mm f2.8L II USM


想跟我去體驗其他活動,快D報名親子團,同埋留意專頁公佈詳情啦!
呀劍評分: 8分


呀劍評語: 簡單的一個小公園,吸引的不是電動車,而係$5玩15分鐘十分抵! 如果配合埋南灣湖的「雅文湖畔」的水上單車,玩一整天都係一個不錯的選擇!

燒灰爐兒童公園 簡介
設有全澳門獨有的兒童電動車場,模擬真實道路交通環境,包括交通系統、斑馬線、行車線和路牌等等,讓小朋友從實際駕駛中,學習道路安全知識。燒灰爐兒童公園兒童電動車場設有多輪電動車(包括:小型汽車及三輪車)可供租借,供6歲以下小朋友玩!


地址
澳門半島公園街12號(位於燒灰爐街與西灣街之間)

營業時間
星期一至日上午6時至晚上8時

兒童電動車場電動車租借

時間:星期一至日上午9時至晚上6時
費用:每15分鐘MOP$5

查詢電話
+853 8791 6000

(以上資料更新至文章當日)





沒有留言:

發佈留言

Related Posts Plugin for WordPress, Blogger...