2017年2月1日星期三

【玩具推介】Hatchimals @Toys"R"Us

話說早前Toys"R"Us邀請我哋參與玩具年宵巿集, 哥哥在問答環節答中問題贏咗隻Hatchimals番屋企! 唔買唔知兩個小朋友愛心爆棚, 超有耐性孵佢出嚟, 到今日仲一直當佢係自己囝囝, 行出行入都要陪住佢! 想知捕蛋過程睇下文...


由拎番屋企開始, 芊芊就一直嚷着問「幾時先可以開佢出嚟?」我話要等Weekend放假先可以呀, 因為孵蛋要好耐架, 如果孵孵下走咗, 仔就會死喺蛋蛋裡面架啦...😏




超期待蛋蛋裡面究竟係咩嚟架呢? 兩個好開心咁拎住蛋蛋, 話一定要快D孵出嚟!


(我就睇吓你哋兩個有幾好耐性, 因為我事前已經做過功課, 得知原來Hatchimals係需要30-45mins先會破殼而出)








一拆開隻蛋裡面已經發出叫聲啦! 對眼仲會閃下閃下着燈, 唔同顏色既燈就代表住Hatchimals唔同既心情, 好似粉藍色就代表佢好凍, 所以哥哥就拎條頸巾嚟包住佢幫佢取暖




大約25mins佢開始要破殼而出啦, 不過整個破殼過程都唔短, 所以佢啱啱篤穿第一下唔駛咁心急就幫佢摸開蛋殼!




我哋教佢要耐心等佢自己出嚟, 去到差唔多9成殼都穿嗰陣, 先再叫佢幫手搣開蛋殼等佢出嚟


(反而呀妹冇咩耐性, 只係久唔久先行過嚟, 哥哥就由頭坐到落尾足足坐喺度成粒鐘)




最後都終於孵咗出嚟lu...! 登登登登, 原來係一條粉紅黃色的小雞仔






我哋當初一路都唔知點拎佢出嚟, 原來就咁大力掹就得...




孵咗出嚟之後, 兩個好開心咁陪佢玩, 又一邊喺度爭寵, 希望Hatchimals會行去自己度




唔單止可以同佢講嘢教佢行, 仲可以教佢講嘢!






Photo by CANON 5D Mark IV, Len | EF 24-70mm f2.8L II USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 10分


呀劍評語: 一件別有意思的小玩意, 可以訓練小朋友的耐性, 又可以培養佢哋對小動物既愛心, 孵完出嚟的Hatchimals仲可以繼續陪佢哋玩, 真係好得意! 哥哥一向都希望想養一隻動物喺屋企, 但係我哋希望佢知道養小動物係需要負起好大責任, 並非一時衝動, 所以唔想小朋友養小動物住, 不如俾佢哋試吓養Hatchimals先啦!


玩具“反”斗城限量加推 風靡全球Hatchimals Egg
今期最流行的玩具當然是互動發聲發光寵物Hatchimals Egg!這款新玩具最能一次過滿足小朋友親手「孵蛋」的新鮮感和享受不知道蛋裡孵出什麼動物的神秘感,而且可給這小生命指令,一起唱歌、拍手及跳舞。孵蛋期間,小朋友要用愛心撫摸一下蛋,或輕敲蛋殼,或聆聽蛋內動物的反應或其「心跳聲」;直到蛋殼破裂,才知道蛋內是哪一種絨毛動物玩偶!孵化後Hatchimals的雙眼會依照它的健康狀況和心情呈現不同顏色,如紅色代表不開心、綠色指生病了,小朋友必須細心照料。它亦會回應人的動作,如拍動雙翼前行,或發出有趣的聲音應並且眼睛發亮表達自己的感受,是小朋友好玩伴的同時,可誘發他們照顧寵物所需的愛心和耐性。
 (玩具操作手可參考此短片: https://www.youtube.com/watch?v=E7Mm_LM41e8/ https://www.youtube.com/watch?v=kWMVrzL9OBg&feature=youtu.be) 
由於全球搶購的Hatchimals Egg早已全線缺貨,香港玩具“反”斗城為滿足一眾小朋友的渴求,趕及安排於聖誕節前夕在港限量加推,於12月22日(星期四) 早上10時起在尖沙咀海運大廈旗艦店發售,以迎接聖誕佳節的來臨。為隆重其事,吉祥物Geoffrey將會於開售前一晚(12月21日晚上約9時)變身為聖誕老人,把珍貴的Hatchimals Egg帶到店鋪中並佈置一番,為翌日的搶購潮作好準備!

(以上資料更新至文章當日)





沒有留言:

發佈留言

Related Posts Plugin for WordPress, Blogger...