2017年2月5日星期日

【親子撐香港】深水埗 棚仔布市場 (欽州街小販市場)

今日出街芊芊問我「今日我哋去邊度玩呀?」我話今日要帶佢哋去探個朋支仔叫「棚仔」去到佢先知原來係一個布巿場,我希望唔單止帶佢哋去探索香港唔同玩樂好去處,仲可以教識佢哋唔係每一個地方都會永遠存在! 而唔想佢消失的話,就要珍惜及支持!

位於欽州街與荔枝角道的交叉口, 俗稱「棚仔」的欽州街小販市場, 以前我自己都一直唔知道呢個地方既存在,直至上年年尾在報導得知原來呢個地方政府將要收番嚟重建



其實我一向都對巿區重建立場好中立, 雖然理性上知道香港唔夠地用部份地方需要重新規劃,但係感性上好唔捨得好多本土文化一個一個咁消失! 





話就話政府擬將通州街臨時街市其中兩座清空,提供過百個舖位供布販繼續經營,月租由500至2,000元不等,計劃在該處建成大型布料市場。



但係到時有可能唔夠分,仲有舖租貴咗又未必負擔得起! 變相咪又係最後趕絕佢哋, 最可惜的就係連檔主之間多年感情都隨之流走


走入裡面,周圍都俾布料包圍住! 呢個情景真係好正,同埋我覺得識造衫的裁縫真係好厲害!










呢塊横匾寫住「卅八年主勞與心血毁於一旦要求原址繼續經營」









當哥哥問我哋嚟做咩,我就話呢度係香港好有特色的地方,所以帶佢哋嚟認識下,同埋希望大其他朋友睇到這段文,可以有聲無聲的去支持所有檔主,支持「棚仔」


Photo by CANON 5D Mark IV, Len | EF 24-70mm f2.8L II USM


想跟我去體驗其他活動,快D報名親子團,同埋留意專頁公佈詳情啦!


呀劍評分: 9分


呀劍評語: 一個本地漁農業的大日子,可以喺度認識好多農場負責人,同佢哋吹吹水,幫佢哋買吓嘢,難得香港仲有呢一班默默耕耘嘅熱心人,所以實在值得支持。再者喺度行真係開心過行花巿,又唔逼又多嘢睇多試食!

本地漁農美食迎春嘉年華 簡介
位於欽州街與荔枝角道的交叉口, 俗稱「棚仔」的欽州街小販市場是一座以鐵皮搭頂的小市場。「棚仔」是布販的集中地,亦是設計系學生、成衣生產商、自家製衣女性及手工藝愛好者常到之地,有「深水埗布市場」之稱。 布販之貨源往往來自於大廠商用剩的零星布料,令小量布匹的售價又便宜,可即時買到現貨,又有很多獨特選擇,自然成為很多設計系學生的首選尋寶地,也是創意的發源地。

可是最近收地計劃又重臨至「棚仔」,屆時可能連最後一個特色賣布集中地都要消失。 有不少檔戶表示: 「嚟行唔成行成市, 根本冇得做。」有大部份檔戶及顧客希望可保留此既有歷史特色,又充滿人情味的小販市場; 有很多在此工作了逾三十多年的老檔戶均感嘆地表示,希望能一直靠自己雙手及經驗,在這裡一直經營下去,不用倚賴政府的資源去維生。和現今其他的小販檔戶一樣,這是一種尊嚴,並不是單單用錢用綜援就能解決得到。


地址
香港九龍深水埗荔枝角道373號地下

(以上資料更新至文章當日)




沒有留言:

發佈留言

Related Posts Plugin for WordPress, Blogger...