2016年11月5日星期六

【親子好去處】維多利亞公園 大草坪 - 野餐樂

維園-一個大家都知、大家都去過、大家依家都未必會去嘅地方!可能大家每到假期都會搵吓有咩好去處,不過有陣日時都可以反樸歸真,我哋今天就簡簡單單的在這裡野餐玩玩!

今日主要嚟探吓BB所以就到附近維園大草地玩玩

BB腳真係好得意,哥哥同我一樣咁鍾意仲走去聞聞!


可能維園實在太經典,相反大家去野餐都一定唔會揀維園,所以今日非常少人!全個大草地任我行

就算拎條繩出嚟跳都唔怕哥哥會「發」親人



呢一下好明顯係會「Cake」親



之後再踢埋波,大大空間點踢都唔會踢親人!真係好爽



可能大家如果去佐敦谷或者迪欣湖,又唔就腳又多人...哈哈






芊芊出盡全力準備抽射





玩Bubble一樣咁開心咁興奮,兩個玩到鞋都除埋!(不過臨走前有個小插曲,正因為佢哋除哂鞋咁玩,妹妹跑跑吓喊起上嚟,原來佢腳板踩到撳釘....!!!!!!!! 喊到佢飛起,不過好在唔係流好多血,我一時忘記平時維園咁多Event,一定會有好多呢D危險物品遺留喺草地上,所以溫馨提示切記唔好赤腳喺草地行)









玩到攰就坐低食嘢!小食亭同洗手間就喺草地對出附近,所以實在好方便!




維園就冇好特別嘅嘢要介紹,大家可能仲熟過我,不過唔講唔知道,原來維園個小食亭係可以攪生日會㗎喎!

以人頭計原來只係$50一位,最少30人就攪得成!食物都係炒飯、三文治、魚蛋燒賣及菠蘿腸之類,不過記住只係得星期六及日可以咁包場!



Photo by CANON 5D Mark IV, Len | EF 24-70mm f2.8L II USM

呀劍評分: 7分


呀劍評語: 去玩唔一定要新地方,唔一定要去好遠,其實有時攰攰地,近D又易去嘅地方,都一樣可以令小朋友好開心,因為只要有你哋喺身邊就得㗎啦!

(以上資料更新至文章當日)




沒有留言:

發佈留言

Related Posts Plugin for WordPress, Blogger...