2016年11月6日星期日

【親子好去處】西環鐘聲泳棚 - 景點遊

西環鐘聲泳棚係我一個好想去但係又懶得去嘅地方,因為如果要去真係要專程去,一D都唔順路,但係又知道嗰度影相好靚!


今日撞啱有個機會,有Ford邀請呀劍一家試試新車,我哋就即興叫司機叔叔車我哋去西環泳棚走一走,喺沿路去緊摩星嶺方向,見到兩個白色牌同有條樓梯沿路行落去,就係嗰度啦!


我哋喺對面巴士站落車,行過去入口就沿住樓梯行落去




邊行邊入夜,同埋起初以為行幾步就到,原來條樓梯都幾長㗎喎!我哋行咗太約10分鐘先落到去



原來有人住喺呢度,我諗就係頭先入口嗰兩塊白牌個兩戶



終於落到嚟泳棚,估你唔到...現場有廿幾人喺度排緊隊,有對新人就喺度影緊相,其他人咁有耐性喺度等...如果我都排,我諗輪到我哋嗰陣都已經天都黑哂






我哋並冇等影相,實在太多人,所以我哋到此一遊,望過吓這個景色就足夠啦...最後嚟番一張「太煩的後裔」合照先!哈哈


Photo by CANON 5D Mark IV, Len | EF 24-70mm f2.8L II USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 6分


呀劍評語: 身為香港人必要到一到的地方,唔知呢個社會同政府日後為咗發展可能又拆呢樣拆嗰樣,今日有時間就要去睇睇咁靚嘅浪景啦

西環鐘聲泳棚
西環泳棚位於香港島的邊陲,沿域多利道行至摩星嶺地段,再繞過幾段狹窄樓梯就可抵達。泳棚建於 60 、 70 年代,由於當時公眾泳池還未普及,於是便在海灘上搭建一個永久性的竹棚,方便泳客們更衣、貯物和冲身。今天泳棚不再設收費區,因此仍有不少健壯的公公婆婆前來跳進大海游早泳,不過只有入了泳廬會員才可享用泳棚的沖身設備。

(以上資料更新至文章當日)




沒有留言:

發佈留言

Related Posts Plugin for WordPress, Blogger...