2016年10月16日星期日

【親子飲食】沙田 麗豪酒店 嘉年華吧 Carnival Bar

話哂呢個月又係我生日又有結婚週年紀念,點都會好D食番一餐!朋友介紹沙田麗豪酒店有間西餐廳-嘉年華吧,真係冇介紹錯堅係好食,但係唔講平時根本唔會發現的,絕對係一間隱世餐廳!

我哋搭港鐵由石硤尾出發,一個站就到九龍塘,跟住搭一個站就落車轉馬鐵,然後再搭多兩個站由大圍到沙田圍,全程都唔駛20分鐘真係好快

出咗沙田圍站C出口過對面沙角邨,沿城門水塘方向一直行就會見到酒店


入酒店後上1/F轉左直入就會到



其實佢算係一間吧,因為門口已經放咗兩部腦俾人上網,仲有裡面有投射大瑩幕,可以睇西甲歐聯,而且行到最入面仲有得掟鏢!





唔閃燈之下影呢張較有情調氣氛



場內環境好寬敞,雖然係間Bar,但唔會話好污煙章氣,非常淨潔!







我哋6:00就嚟到店內一個客人都未有!感覺好似包咗場咁(只係剛剛有一班朋友下午舉行生日會正散場中)






Photo by iPhone 7 Plus

我哋Order咗個二人晚餐,價錢超貴!我哋可能呢一世人都未試過食咁豪,但係既然一場嚟到坐低咗,而且又一年一次,所以決定今晚就食土豪D

話口未完佢哋兩個就走咗去玩足球機(哥哥至愛)




芊芊一直捱打,等Dad出手助你一臂之力贏番哥哥



誤打誤撞俾芊芊入咗哥哥一球,即刻成個人幾開心!






玩完足球機畫面就轉咗去飛鏢場!起初諗唔知俾唔俾小朋友玩,同埋另外收費應該好貴


鏢場後就係Bar檯,遠處見到又多一台足球機



同時我哋又發現有一部跳舞機同氈喺度!嘩正呀,十幾廿年冇玩過,簡直係童年回憶,點可以唔跳番次

不過部電視機太高啦,攪到佢哋兩個玩嘅時侯,抬起個頭咁玩有點辛苦



呢對舞王舞后玩到人哋條AV線都甩埋成個畫面冇哂!(其實係因為條線太短)




之後我就嘗試問職員掟飛鏢點計同埋有冇年齡限制,原來係人人都玩得唔限歲數㗎!仲有一個驚喜原來一局只係$5,嘩真係想玩幾多局都得






我只係入五蚊雞玩一局都已經有排玩,因為佢哋兩個掟極都唔中,笑死我!哥哥有8成都跌哂落人哋部飛鏢機後面






不過大家掟還掟,記住要教小朋友掟完一次,要等大人拔番鏢出嚟或者小朋友執番D鏢之後先至到下一位!

仲有小貼士:其實只要唔行埋去按掣到下一Round其實就咁不停掟都冇問題!












剩係玩掟鏢都已經打發哂等起菜嘅時間!所以嘢食一到,我哋就洗手埋位食嘢




先嚟個頭盤小食拼盤同埋忌廉湯,煙三文魚沙律OK,雞翼同埋燒骨好野味,外層淋上層蜜糖去焗,攪到咬落去嗰下真係脆脆哋好正

個湯真係好多磨菇蓉好足料,絕對唔係罐頭湯,跟湯個餐飽都好好味,剩係呢兩味至少未覺得中伏,係咪物超所值真係要睇埋塊和牛掂唔掂




我哋叫了一客肉眼牛扒同埋和牛肉眼扒,因為媽咪食唔到生嘢,所以叫咗Well done!所以好唔好食唔多講啦,至於我份和牛肉眼扒係medium rare...

真係超級好食,超重牛肉味,真係入口即溶化,脂肪分佈好均勻!不過係冇薯角或意粉跟就爭D囉






最後嚟多兩杯特飲






不得不提係最後呢個甜品,香焗蘋果卷,真係即叫即做,無得嘆!



Photo by CANON 5D Mark IV, Len | EF 24-70mm f/2.8L II USM

想跟我去體驗其他活動,快D報名親子團,同埋留意專頁公佈詳情啦!
呀劍評分: 10分


呀劍評語: 雖然係貴咗少少,不過大家又唔駛驚咗嘅,因為裡面仲有其他好食又經濟嘅餐,不過真係值得一試!果然係隱世餐廳!

地址
沙田大涌橋路34-36號麗豪酒店1樓

營業時間
星期日至四及公眾假期: 17:00-01:00; 
星期五至六及公眾假期前夕: 17:00-02:00


電話
2132 1280

(以上資料更新至文章當日)




沒有留言:

發佈留言

Related Posts Plugin for WordPress, Blogger...