2016年9月11日星期日

【親子好去處】油塘 J-plus 全新概念大型遊樂場@大本型

今次第二次嚟到 j-plus,仲玩埋「親親大自然」同埋「親子廚房」,原來真係可以玩成日!

上一次嚟到只係玩波波池迷宮,都有留意隔離呢個「親親大自然」區,今次嚟到終於有機會入去睇吓係乜東東



職員姐姐先帶我哋去場外的練習區,因為入場只係限時20分鐘,所以要練習一下如何操作先入去玩



每位入場小朋友都會有一支遊戲捧,先輸入自己名啟動遊戲棒!再答幾條簡單問題,熟習咗個遊戲模式就可以正式入場玩啦



入到場內就好似見到一個熱帶雨林咁,仲有好多動物裝置,同埋場內周圍都有顯示屏,其實個玩法係首先選擇一個顯示屏,插入並讀取遊戲棒,選擇問題的難易度及種類!







然後按着問題去場內尋找答案,答案就是四圍的動物,每隻動物隔離都有個Code,只要向選取的動物"DO"一聲,再返回是但一個顯示屏,再一次插入讀取遊戲棒,就會見到自己"DO"的動物出現在屏幕上,再用手指將該動物 Drag 到答案欄便可以!







最利害係每次尋找答案過程中,係可以選擇"DO"多過一種動物!即係話如果你有問題唔肯定答案時,可以同時搵多幾隻,到時再慢慢答!









我哋玩咗成大半個鐘!其實感覺好似去咗濕地公園科學館等去完成某項指令!

但係呢度唔同既地方係係可以俾小朋友邊玩邊學,搵動物過程中已經跑跑跳跳,爬嚟爬去! (同埋最起碼唔會有裝置俾人玩到壞咗)

而且哥哥好勝心強,所以好積極咁去答問題搵答案,如果有家長想小朋友玩得有意義,「親親大自然」確係一個唔錯既地方



依家室內遊戲室真係層出不窮,就連「親子廚房」都有

我哋入到廚房準備DIY曲奇同Cup Cake! 廚房環境好大,足夠俾一大班大人細路一齊整蛋糕

呢個芊芊知道要着起圍裙整蛋糕,突然扭計話唔想玩話(但係又一路着圍裙)



未開始前先幫佢哋呢一身打扮影張相留念先!就算唔食得都睇得(如果有埋廚師帽仲正)









職員姐姐先喺雪櫃拎出一預先準備好的朱古力同原味牛油麵粉團







對芊芊嚟講可能佢只係當係泥膠咁玩!哈~






哥哥就好俾心機咁搓麵粉,妹妹就準備開始搵自己鍾意既餅模去製作曲奇的餅型











整下整下已經唔記得哂頭先話唔想玩既心情,仲玩得好開心!



攪掂哂就去洗洗手,曲奇要入焗爐lu









然後職員姐姐拎出一早預備好的Cup Cake,我哋要負責將Cream同小餅乾放上去裝飾設計得靚靚!

















亂咁"GI"都總算完成咁多件Cup Cake!



連埋頭先既曲奇都焗完出爐啦!好好味呀,真係唔止睇得,仲食得呀!



玩完親子廚房我都已經好夠皮!但係佢哋兩個仲好似未放夠電咁,所以諗住去波波池度俾佢哋玩夠本,不過咁啱撞咗清潔時間~

所以轉咗場先去玩機動遊戲,玩完扑傻瓜鱷魚之後,就冇再玩其他遊戲,只係沉迷推鑽石lu,因為D鑽石可以拎番屋企繼續玩 












清潔時間完lu~兩隻嘢超開心咁跑咗入去周圍跑,真係捉都捉唔住







之後我哋射波波大戰!兩個型男 VS 兩個美女


























今日真係超盡興!估唔到嚟室內遊戲場都可以有咁多嘢玩,而且職員姐姐仲超好人,最後佢哋嗌住我話要同姐姐影番張相tim! 呢D咪叫做「賓至如歸」囉



Photo by CANON 5D Mark III, Len | EF 24-70mm f2.8L USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 10分


呀劍評語: 今次第2次嚟玩! 仲玩埋「親親大自然」同「親子廚房」,平時去波波池只係諗住冇咩地方去又唔想去太遠,但係今日嚟咗j-plus之後覺得直程可以帶埋一大班家庭嚟呢度開Party玩足全日都仲得

J-plus 簡介

佔地超過20,000平方呎,備有多個主題遊樂設施,更設有簡易親子糕餅班。場內設有不同區域,例如親子廚房、主題彩虹攤位及夾公仔機、夢幻舞台等等。當中最受歡迎的是「彈跳迷宮」與「歷奇國度親親大自然」兩大設施


地點
油塘高超道38號大本營3樓301號舖

營業時間

星期一至日: 11:00-22:00

費用

$100/100點、$200/205點、$300/330點 



店內另設有生日派對及小廚師派對
有關詳情可瀏覽以下網址及店內宣傳單張



(收費以場內為準)

電話

23435068 / 26407900

網頁

www.jplus.com.hk

(以上資料更新至文章當日)




沒有留言:

發佈留言

Related Posts Plugin for WordPress, Blogger...