2016年7月19日星期二

【親子生活】玩具"反"斗城 Toys"R"Us「夏日大熱玩具」玩具試玩

今個暑假第一件開心事就係收到玩具"反"斗城送給小朋友的玩具,等佢哋兩個玩餐飽!

當佢哋一開門見到速遞員送上幾大盒玩具,就已經開心到不得了「嘩嘩聲!」

這3款都係今期玩具"反"斗城「夏日大熱玩具」活動最Hit的玩具,有《大型滾珠套裝》、《巨輪全自動機槍》及《虛擬現實眼鏡》



哥哥妹妹到咗夜晚即刻話要拆嚟玩,我先拆開《大型滾珠套裝》俾佢哋玩!

同一般滾珠唔同,呢款不單止可以軌道自由組合,仲好容易上手安裝,跟本唔需要睇圖,想點砌都得,唔會話砌錯又要重新嚟過(最多係有D軌道粒珠去唔到)


佢哋呢度砌吓嗰度砌吓好快就完成咗,最高有3個轉盤可以讓滾珠由高碌到最底!



兩兄妹一齊合作砌,妹妹幾咁合作聽住哥哥指示,望住佢哋覺得真係好溫馨!(但係平時成日爭餐飽)



滾珠開始碌落去Lu...佢哋最鍾意粒珠經過呢個風車裝置!





由下望上去都幾宏偉喎!



軌道超多款式,其中一款仲係360度環迴超刺激!



妹妹好專心咁放滾珠落去



一盒裡面有兩款滾珠(鋼珠同木珠),佢哋一次過放哂差唔多廿粒落去,超開心!




當佢哋玩得好興奮唔駛我陪嘅時侯,我就去睇吓另一件玩具!

細路哥玩得咁好開心,冇理由我冇得玩㗎!《虛擬現實眼鏡》可以下載VR app放部iPhone落去,體驗720度VR虛擬實境




優質鏡片令到影像更逼真!而且大部份手機型號都可以放到落去!

只要Search關鍵字"Cardboard"或"VR"就會有唔同嘅虛擬實境App下載



哥哥話要影住我玩,嘩!我玩嘅時侯都唔覺自己咁浮誇...跟住哥哥同芊芊都爭住話要試吓

媽咪就一路話會睇壞眼叫佢哋唔準睇咁耐(其實佢自己不知幾想試)



哥哥玩完到細妹試吓啦...佢不斷話見到有人唔着衫好核突~你究竟睇緊咩呀?



最後到呢個大鄉里呀爸又試玩吓,但係D演技略嚴有一點浮誇!


過咗一晚,佢哋一瞓醒已經期待緊要玩呢把《巨輪全自動機槍》,我哋落咗去屋企泳池旁邊玩,因為唔驚射到人(但最驚佢射落街)!


妹妹就一定唔夠力拎住把槍,所以拎咗屋企另一支玩具槍俾佢玩,哥哥開始研究點樣入子彈



槍膛有成24發子彈,真係射完一次要執彈上彈都手軟



妹妹擺出一有型姿勢!



哥哥準備好啦,拎起把超重嘅機關槍,但係把槍真係同佢個人差唔多大,笑死我!

一開槍好震撼,每一發都震動成個人!好似打仗咁Feel...COOL!




其實今次活動有多款人氣玩具登場,好似《爆旋陀螺》、《海底奇兵2》同埋《Pet Pet當家》,大家仲可以喺店裡面試玩、參加工作坊同跟卡通主角見面

仲有今期推出全新嘅會員獎賞計劃-「星卡錢」,消費$1就有1分,儲滿800分就兌換到$15用!正喎

各位虎媽,暑假真係要俾小朋友抖抖氣,仲唔快D帶小朋友去買番件玩具俾佢哋過暑假!

Photo by CANON 5D Mark III, Len | EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 10分


呀劍評語: 我平時真係極少買玩具俾佢哋,但今次D玩具真係非常吸引!真係大人細路都愛不惜手...

(以上資料更新至文章當日)




沒有留言:

發佈留言

Related Posts Plugin for WordPress, Blogger...