2016年7月16日星期六

【親子好去處】荃灣 E Cube Club 智游天地旗艦店 @愉景新城D.Park

好多謝智游天地的邀請,今日嚟到佢愉景新城旗艦店的開幕典禮,又可以俾兩隻化骨龍放電


一嚟到就已經見到Pony》同埋泥膠Play-Doh》喺台上面同大家影相



估唔到哥哥兩個都識得!佢話佢睇過Pony》動畫同埋最緊要係佢話某女同學仔好鍾意Pony》

智游天地係首間跟「孩之寶」合作的室內兒童遊樂場,各位70's 80's後聽得最多「孩之寶」一定係亞視做嘅變型金剛》卡通啦!



餵食哥哥食完個Lunch冇耐又話肚餓喇!知唔知咩叫「偷食唔抹咀」




跟雜耍哥哥玩玩吓,無端端又跟咗人哋上台影相!仲要企最前...






拋波轉碟乜都玩一餐!咁唔駛入去E3Club啦?



呢個巨型大蛋糕代表着旗艦店開張啦!



整個旗艦店分為四大主題 #‎變形金剛Transformers‬、‪#‎彩虹小馬Pony‬、‪#‎培樂多Play-Doh‬ 及 ‪#‎Nerf‬ 所有男仔女仔都啱玩!



哥哥好快就俾Play-Doh》吸引咗過去,佢仲想叫我拎埋啱啱喺書局買俾佢的泥膠出嚟玩

(我話呢度有得玩仲攞自己嘅出嚟做咩呀....!)





同埋所有小朋友一齊玩,想點玩就點玩,大量泥膠及工具提供俾小朋友!暑期仲有配合其他機構合辦華特福課程


旁邊仲放咗好多個冬甩咕𠱸,可以俾家長從旁睇住小朋友學習,真係諗得周到!



在換鞋區有一個儲物櫃供客人存放包包!只需$10無限次開闗



不能不提一定係呢個《變型金剛》主題區,除咗有電視不停播放《變》卡通,小朋友仲可以在這裡填色,睇漫畫及拼磁石貼







《變型金剛》點少得柯柏文呀!但係點解唔見咗麥家登嘅?


另一面就有一個很大的Lego玩樂區,有大有細適合唔同年齡嘅小朋友



仲有電動車俾小朋友玩!後面仲有架咁嘅警車...



真係可以坐埋入去,有對講機同埋有掣控制車頂上警號燈




好多小朋友喺大碼Lego區呢邊都玩得好開心!哥哥竟然花咗最多時間留喺度砌Lego



佢話要砌一個屋企俾大家(但係你可唔可以砌大間D呢?)



屋企已經好細,柯柏文你仲要住喺我哋屋企!



Lego除咗有雙行單行,仲有D係平頂的件塊,可以用嚟封頂!

哥哥做咗一張櫈俾大家坐,佢好自豪咁帶妹妹坐上去好穩陣,由心裡面微微咀笑咗出嚟





準備踏入Pony》主題區之前,仲有一個變型金剛》咕𠱸機械人的區域,小朋友可以搣斷哂D手手腳腳重新組合,好殘暴呀~



一架桃紅色可愛火車頭就隔開了變型金剛》去到女仔最喜愛的Pony》主題區


就連波波池用的波波,每一粒都印有《My Little Pony》㗎!呢3隻顏色仲好靚㖭



哥哥一瀡落嚟就好似一舊炸彈炸起哂D波波!



到芊芊又嚟炸一下!以前一直都很討厭波波池,因為覺得它們很污糟,但係這裡用了很多高科技工具去處理,所以可以好放心咁俾佢哋兩個玩




我自己都親身踏入波波池,翻開過波波望吓個池底,真係非常乾淨!


波波池奉旨必影靚Shot,今次配合埋呢幾隻淡淡又簡單的顏色,真係畫面好靚好舒服!


瀡滑梯隔離仲有個小韆鞦,啱哂我哋呢位小芊金玩




波波池對面都仲係Pony》地頭,除咗有一個大電視播放卡通外,仲有一個舞台同化妝枱,可以俾小朋友扮吓小明星


好啦!各位觀眾,跟住落嚟嘅呢位芊芊小公主為我哋演譯嘅作品係...



芊芊Rock N'Roll~~~~~~~~~~



仲有好多車仔俾小朋友玩,咩款都有包保咩年紀都啱玩



同埋一個超巨大三合一冬甩碌嚟碌去,如果遇着瘋狂小朋友真係要小心糟秧呀!


最後嚟到Nerf》主題區,這裡放着兩張彈床,都係「一人前」,可以令我好放心咁俾佢哋去玩,因為平時比較大的網床我會有少少緊張佢哋嘅安全!




去室內遊樂場必備唔駛我提啦,大家記住著襪嚟呀!


除咗彈床仲有射槍!啱哂哥哥杯茶...職員好細心不停幫小朋友上子彈,我好欣賞這裡注意小朋友安全的堅持,不過就辛苦哂咁多位職員哥哥~


平時喺屋企拎住把槍成人俾媽咪話,今日仲唔玩番夠本!


呢位芊芊公主對Nerf》槍就冇咩興趣喇!最後番去無限Looooooop玩波波池,哥哥就去砌Lego!玩咗差唔多成3個鐘頭,如果嚟全日任玩真係唔怕蝕





這裡同一般室內兒童遊樂場好唔同,唔會集中哂所有設施只在玩樂上,更於學習,角色扮演及運動上,是一個多元化的遊樂場!


Photo by CANON 5D Mark III, Len | EF 24-70mm f2.8L USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 9分


呀劍評語: 室內遊樂場去得多,智游天地愉景新城店都真係包羅萬有,滿足哂所有家長細路嘅好地方!

E Cube Club 智游天地 簡介

全港最大室內兒童遊樂場,面積逾萬平方呎,為集遊戲、教育及家庭樂於一身的綜合活動場地。全新旗艦店現開設於愉景新城,可親身體驗以「孩之寶」為四大主題的遊戲!


地點
香港青山公路荃灣段398號愉景新城L3-3001號舖

營業時間

星期一至四:11:00-20:00
星期五至日及公眾假期或特別日子:11:00-21:00

入場費
星期一至五(公眾假期除外)
小童(12歲或以下) + 成人  |  日票: $140(會員$125) [額外成人 +$45]; 黃昏入場票(下午六時後): $120(會員$95)  [額外成人 +$45]

特別日子(詳情參閱官方網頁)

小童(12歲或以下) + 成人  |  日票: $150(會員$135) [額外成人 +$45]; 黃昏入場票(下午六時後): $130(會員$105)  [額外成人 +$45]


星期六, 日及公眾假期

小童(12歲或以下) + 成人  |  日票: $180(會員$165) [額外成人 +$45]; 黃昏入場票(下午六時後): $140(會員$125)  [額外成人 +$45]

電話

3176 8358

網頁

http://www.e3club.com.hk/

(以上資料更新至文章當日)




沒有留言:

發佈留言

Related Posts Plugin for WordPress, Blogger...