2016年6月9日星期四

【親子餐廳】荃灣 Burger Bus @愉景新城D.Park

今日去汀九灣游完個龍舟水就直接搭巴士到愉景新城嘆個下午茶, 揀咗呢間Burger Bus嚟食!

Burger Bus係一間用英倫舊式巴士做主題的漢堡親子餐廳


店的設計都十分吸晴! 小朋友非常鍾意, 又有紅綠燈又有好多巴士!


店不算十分大, 坐滿都係大約三十幾人


點餐要到店外位置, 好似大家樂咁睇咗食咩跟住先付錢



店外都有一個位置讓家長可以泊BB車(其實整個愉景新城所有食肆都有這個泊車位)


店內都放着很多巴士, 可惜唔可以拎落嚟玩!!


仲有扶手釘在天花(不過呢個扶手似港鐵多D喎!)




點餐後職員會送上餐號碼讓你放在桌上, 然後他們會把餐送到枱上! 個號碼夾有一架巴士拓住! 芊芊想將架巴士拆出嚟玩....哈哈



我Order咗一個蕃茄吉列豬扒湯湯意粉($52), 再加$16轉餐, 有海鮮忌廉湯+飲品(+$8轉特飲)


海鮮湯真係幾足料, 每一匙都有蝦, 蜆肉或八爪魚仔! 不過個湯略有一點稀!!! 所以起初見到個湯以為咩都冇, 如果"傑"番少少令材料浮番上面個賣相會好睇D


蕃茄湯意粉普通咗少少, 蕃茄湯不夠濃! 配上兩塊小夾餅, 但係覺得有點格格不入, 吉列豬扒掂, 外脆內軟, 夠熱!! 即叫即炸但少油!




熱朱古力特飲! 好靚呀, 有好多少棉花糖同Cream放在面上



然後又Order咗一個芝士西蘭花焗薯($32), 加上蛋黃醬幾香口, 薯仔心都熟哂幾「林」, 就連薯皮都食得落肚!


再嚟一杯士多啤梨沙冰特飲(跟漢堡餐+$8), 我幾鍾意個透明膠杯! 整體幾好飲, 但係冰攪得唔夠爛!! 飲到低D冰好鬼大粒


店內都有提供小朋友餐具!


重點到啦! 鎮店之寶就係呢個安格斯牛肉漢堡餐($68)! 包都係用上嘉頓(即係超巿)都買到嗰隻飽, 如果可以烘一烘個包面會更好食


另外夾住新鮮生菜蕃咖同埋煙肉, 牛肉咬落唔會一PatPat, 都好有質感有層次, 唔算得上高檔質檔, 但係性價比都高!

配埋格格薯! 特別我想講係包濕紙巾唔應該放埋喺食物上面囉, 就算有包裝你估真係好乾淨咩>.<









食完之後過去反斗城行個圈仲俾我哋撞到Lego戰士影相tim!



好開心佢哋兩個從來都唔會太扭買玩具, 所以每次都無懼嚟反斗城打個轉!



Photo by CANON 5D Mark III, Len | EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

呀劍評分: 7分

呀劍評語: 食物質素合格, 特別係安格斯牛漢堡最出眾! 如果可以加多少少巴士玩具車俾小朋友玩更好

地址
荃灣荃灣青山公路398愉景新城地下1066號舖

營業時間 
星期一至五: 11:30-21:30 星期六, 日及公眾假期: 09:00-21:30

電話
2242 2798

付款方式
八達通或現金

(以上資料更新至文章當日)



沒有留言:

發佈留言

Related Posts Plugin for WordPress, Blogger...