2016年6月24日星期五

【親子生活】又一年之哥哥畢業禮 + 芊芊懇親會

對於每年結業禮我都會睇住小朋友表演而流馬尿,今年亦都唔例外!尤其見到哥哥畢業大個仔啦

今日係芊芊人生第一次化妝,唔知點解硬係覺得小朋友化咗妝好格格不入,佢今次表演係飾演一粒磨菇!加油呀



晨早流流帶呀妹同呀哥到大學會堂集合化妝綵排


化完妝的芊芊感覺有點香土氣息...「呢位大姑你搵邊位呀?」


鏡頭一轉就到畢業禮正式開始,表演前當然校長出嚟講番幾句,年度叻叻同學仔上台拎吓獎

估唔到芊芊今年第一年就拎到進步獎,真係抵錫!



呢個芊芊拎完獎排隊等緊,俾佢見到坐在台下的媽咪,就即刻扮起怪樣上嚟...等死我



到呀芊嗰班上台表演啦,佢唱嗰首係Yummy王國》,每日都喺屋企邊唱邊練,今日終於上台發揮啦!

人仔細細,佢每一個舞步都記得,仲跳得好認真!呢粒菇真係好叻



之後等咗好耐,睇哂其他K1K2表演都仲未到哥哥,原來哥哥嗰班係壓軸出場!

嘩哥哥你套衫想點?去登台呀,好閃呀!哈哈~(因為今朝送咗哥哥俾老師之後都見唔到佢換衫化妝)


哥哥都跳得好好,見到佢畢業我都莫名奇妙流咗一滴眼淚,我估媽咪都應該一樣!


最後老土D都要講呢句「我有你哋兩個仔女真係我的驕人傲...you make me cry, make me fly!」



Photo by CANON 5D Mark III, Len | EF 24-70mm f2.8L USM

想跟我去體驗其他活動,快D報名親子團,同埋留意專頁公佈詳情啦!

(以上資料更新至文章當日)




沒有留言:

發佈留言

Related Posts Plugin for WordPress, Blogger...