2016年5月29日星期日

【親子飲食】銅鑼灣 hmv Bar & Restaurant Beyond 家駒 主題餐廳 @hmv Flagship (足版 Full Version)

「我要我要呼叫......BEYOND!!!」今日嚟到Beyond x HMV主題餐廳, 同芊芊一齊Rock&Road!

今日路過銅鑼灣上咗HMV旗艦店, 知道4/F餐廳用咗Beyond做主題, 所以上去觀摩吓!

我哋搭Lift直接上到4/F, 一出門口左手邊已經見到好多Beyond既物品



芊芊見到呢隻狗狗就行埋去攬住佢! 其實我都唔知幾時開始hmv用咗呢隻狗狗做代言人



好多「家駒」呀! 這個情景就好似細個既時侯, 將所有歌星既海報貼滿成間房!



錄音帶你哋又見過未? 仲記得細細個好期待歌手大碟推出, 以前真係會推出第一日就賣哂!











連地下都貼滿Beyond的照片!



大家見証過Beyond五人組合的年代未?



除咗Beyond, 行到過嚟另一邊仲見到Batman同埋Superman...應該係早陣子電影的宣傳品



芊芊見到有個電話亭就走咗入去....一閂門就即刻好驚要出番嚟, 真係笑死人!



喺餐廳門口仲有個英雄聯盟Section! 又有隻Iron Man喺度!



周圍行完終於入嚟hmv Bar & Restaurant坐一坐喇! 餐廳都裝修得好靚

主調行英倫風但又有點法國味! 枱櫈欄杆都打造到有少許生锈效果, 充滿懷舊特式, 望上去既鐵喉同吊燈既鐵鏈都好有Heavey Metal味道


食物價錢都幾貴! 如果食個晏每人都要兩舊先可以行出呢個門口, 我同芊芊入去坐吓嘆個Tea



hmv Flagship 總共有四層, 最高層的餐廳可以望番落去下層, 極具空間感! (仲有隻狗仔企喺橫樑好盞鬼)






餐廳內有個特色大鐘好搶眼!


餐廳中央有個小舞台, 相信晚上呢度會變成一個小Band Show! TVwall播緊Beyond家駒以前的演唱會


餐廳內唔多人, 隨便都可以搵到位坐, 我哋坐咗喺靠近牆邊的卡位! 牆上掛滿Beyond的照片





唔知Beyond以前第五個成員今日做緊D乜嘢呢?



芊芊又整蠱造怪! 不過發然佢坐喺呢張皮梳化度唔夠高食嘢! 所以我哋轉番出去坐



芊芊揀咗張好Colorful既小楷磚枱坐! 高度啱啱好, 可以食到嘢啦!


餐廳內其他位置!






我Order咗一份「朱古力布朗尼伴香蕉脆片雲呢拿雪榚」$88 (個名長到....都係叫英文好 "Chocolate Brownie Vanilla Gelato, Banana)






香蕉片酸酸甜甜又好脆! 芊芊好鍾意食, 雪榚高質素, 重雲呢拿味, 不過唔夠moviepick好食!

件Brownie Cake好濃朱古力味! 食落去暖暖哋, 配合埋嗒雪榚! 真係食完醒神哂





呢個期間限定飲品, 總共有三款「海闊天空」、「喜歡你」、「AMANI」!

其實三款都係VOKA!! 我就梗係揀番首金曲中既金曲「海闊天空」$88


賣相簡單, 藍色配合青檸既顏色幾好睇! 飲落.........醉了!


邊坐邊睇Beyond Show, 飲住杯「海闊天空」, 真係呢個下晝好舒服既享受! (有加一收費, 埋單$193)




Photo by CANON 5D Mark III, Len | EF 24-70mm f/2.8L USM

呀劍評分: 8分


呀劍評語: 環境的確舒適! 下午時間人唔算多, 喺呢度同朋友飲杯嘢傾吓計真係好舒服! 如果同小朋友喺度嘆番件Cake都唔錯!

地址
銅鑼灣百德新街22-36號名珠城4樓

交通

港鐵銅鑼灣站 E 出口, 步行約2分鐘

營業時間

星期日至四: 10:00-00:00 星期五及六: 10:00-02:00


電話
2504 1538

(以上資料更新至文章當日)




沒有留言:

發佈留言

Related Posts Plugin for WordPress, Blogger...