2016年5月28日星期六

【親子好去處】銅鑼灣↔上環 第五屆大型公共媒體藝術展-感頻共振《25分鐘後》(25 Minutes Older)

今日被邀請參與咗一個藝術體驗, 由藝術家伍韶勁 (Kingsley Ng) 創作的作品《25 分鐘後》 (25 Minutes Older)


今年係香港藝術發展局舉辦第五屆大型公共媒體藝術展, 主題為「感頻共振」

除咗這個《25 分鐘後》的作品 , 仲有另外幾個不同主題的藝術作品展示在香港不同地方

《飛逝》、《從現在開始,我們就是六十秒的朋友》、《蠅像》、《我在聽,心在跳,手在動》、《嶼弦》、《位於未來的聲音》

其實這個藝術創作係以一部電車改裝成流動黑盒劇場, 配合耳機在車內播放作品的朗讀錄音

作品希望表達城市變老,人也變老,但總有些東西依然不變, 亦希望大家能學習去體驗如何慢活, 


我哋準時到達西港城集合, 但係因為今日打風過後狂風暴雨...所以電車的延遲到達!

差唔多遲咗半個鐘以上...幸好小朋友還很聽話很有耐性的等


其實我已經預先同小朋友講定今日的活動係在一架黑鼆鼆的電車上進行, 原因係因為擔心芊芊太細個會驚

但係反而係哥哥知道之後一路嚷著話唔想嚟, 都唔好玩...


其實我哋都唔一定要小朋友跟住我哋嚟, 但係因為媽咪好有興趣, 所以我都想佢學習一下遷就別人, 唔係整天都只係去自己想去的地方, 吃自己想吃的食物, 玩自己想玩的東西!

所以我哋嚟之前有少少時間, 我都帶咗哥哥去兒童遊戲室玩咗大半個鐘!

我哋由車頭上車, 上到電車後睇見旁邊好多個Headphone, 有大人同小朋友Size!




藝術家Kingsley先在下層跟各位到嚟的朋友簡介活動內容! 然後我哋就去到上層欣賞這個體驗




由於體驗進行期間係唔可以有任何光線, 所以我哋只能拍到呢一步

呢個窿就係一陣間會將車外的景像投射到車內的牆身上, 好似我哋以前細個小學做的小實驗!

當體驗開始, 燈光都慢慢較暗至黑, 電車亦開始起動, 上層車內有小梳化小Cushion, 我哋全部人靠一邊牆身坐下, 帶上Headphone聽住朗誦, 看著投射進來倒轉了的街外景像


整個過程13分鐘, 當然我自問未好懂得欣賞Kingsley所體驗的感受, 而且一邊看一邊兩個小朋友好多問題, 未能靜靜欣賞, 但係感覺好靜好慢好悠閒, 都好舒服!


體驗完結我哋一家同Kingsley影番張相, 雖然未完全明白(其實亦都唔需要明白), 我哋一家有這個體驗都係一個幾得意既經歷!

Photo by CANON 5D Mark III, Len | EF 24-70mm f2.8L USM

呀劍評分: 8分

呀劍評語: 成日去呢度玩嗰度玩, 今次來一個靜靜的活動, 即使未進入作品的感受, 但一家人坐在地上攬住欣賞倒轉的風景, 都幾浪漫幾溫馨!

《25分鐘後》簡介

藝術家伍韶勁 (Kingsley Ng) 作品《25 分鐘後》 (25 Minutes Older),將電車改裝成相機暗室 (camera obscura) 裝置,配合劉以鬯名著《對倒》,在鬧市中上演一場流動的光影體驗。 《25 分鐘後》 (25 Minutes Older) 創作源起自 deTour 2013,電車改裝成流動黑盒劇場之後,由 Kingsley 及其學生構思室內相機暗室的裝置。暗室之內,影像倒轉,叫他想起劉以鬯的名著《對倒》,因此他在車內播放作品的朗讀錄音。來到 2016 年的版本,Kingsley 進一步將劉以鬯的文字投映於電車車廂內,進一步營造車裡車外的雙重空間。

活動日期

2016年5月21至6月2日

活動時間

2:00pm - 10:00pm

地點

電車內(上環至銅鑼灣電車路線)

登車地點

上環電車總站 ↔ 銅鑼灣電車總站

*免費活動, 網上報名


網頁

http://25mins.info/

大會網站

www.mediaarts.hk


其他活動舉行日期及時間

(以上資料更新至文章當日)




沒有留言:

發佈留言

Related Posts Plugin for WordPress, Blogger...