2016年3月12日星期六

【親子好去處】元朗 香港人撐起香港情「紅A」展覽 @三聯書店 文化生活薈 JP Workshop

送咗哥哥去畫班後有個空檔同妹妹周圍行,就去咗三聯睇吓書行個圈! 卻遇上一個「紅A」展覽!

元朗呢間三聯書店有成三層高

仲設有餐廳同一個文化生活薈, 多數用作展覽或工作坊


可以選擇一層一層慢慢上又或者直接搭Lift上到頂層


我急急腳帶住芊芊穿過玩具部去搭電梯先!


在Lift裡面都已經貼有「紅A」展既海報!



呢個展覽好香港味重! 好似只係For香港人睇咁Hahaha...

紅A牌真係細細個就開始用, 所以好係兒時回憶!

BB沖涼個盆都係紅A, "郎口鐘"又係, 厠紙筒又係....


個展覽場地好細, 只係一個小角落! 芊芊最先就係去咗個生果欄拎起個橙

原來我哋細個跟呀媽每日去街巿買餸, 裝住生果個膠籃就係紅A出品


最唔少得就係呢D筲箕! 我諗每個80-90年代家庭總有一個!


生果檔隔離放咗好多家具, 不過上面擺放嘅產品都算係幾近代!



呢個雞檔芊芊超鍾意......企喺雞籠上面嗰隻雞



望兩眼又真係幾似真雞! 不過如果係真雞千祈唔好咁摸呀芊芊.....

佢真係好似當佢係寵物咁摸想帶佢番屋企養咁





當然唔少得就係依家都見到街巿用嚟照雞蛋嘅紅色燈罩啦

其實仲有細個時侯用嘅水壼都係佢哋嘅出品


大家估吓點解呢架垃圾車又關紅A事



無錯! 就係車上面個大灰色筒!

芊芊好似Model咁拎起唔同嘅水壼帶住頂草帽喺度影相



嘩! 呢個六七十年代LOOK好正呀!


睇埋其他家品, 中間呢張黃色櫈我有呀(不過我嗰張係紅色)

呢部風扇我都有呀!!.....右邊個D筷子同飯壼, 唔知大家有冇呢!?


呢兩款大水筒以前停水就係用佢嚟去裝水番屋企用(不過我都未經歷過)

依家多數喺茶餐廳見到佢哋裝污糟碗碟...哈哈哈




之後都每層行吓! 發覺都幾多嘢睇, 下次可以嚟打吓書釘High吓Tea!








Photo by CANON 5D Mark III, Len | EF 35mm f1.4L USM

呀劍評分: 6分

呀劍評語: 順路經過睇吓! OK幾得意, 懷吓舊!

香港人撐起香港情「紅A」展覽 簡介

是次展覽敍述香港與「紅A」數十年的相伴成長,面對困境也迎難而上,發揮出香港獅子山精神

地址

元朗青山公路49-63號 三聯書店 二樓


日期
3月9日至4月5日

時間
11:00 a.m. – 9:00 p.m.

免費入場

電話

2567 0238

(以上資料更新至文章當日)




沒有留言:

發佈留言

Related Posts Plugin for WordPress, Blogger...