2016年3月16日星期三

【親子生活】D.I.Y.再造紙

最近呀仔英文堂到佢要"Show & Tell"

要搵D關於環境保護嘅題材帶番去講(好難囉...)

媽咪就上網睇吓人哋點自家整"再造紙", 跟住番嚟教哥哥整!



首先搵咗D陳年英文報紙, 然後一齊暴力撕碎佢

有咁碎得咁碎, 最好就搵番黑白部份, 唔建議有顏色的報紙


搣到碎哂啦!


跟住將部份紙碎倒落去個盅度! 做大張D再造紙就倒多D



然後加D水(唔駛好多)



再用個盅盅爛佢



跟住加少少色素落去! (唔好以為張紙就會變藍色喎)




跟住再攪勻佢, 順便盅多幾嘢!


倒番出嚟壓扁佢!


之後預備定熨斗! 因為要用熱力將紙漿壓平聯合成為一張紙

記住用毛巾先墊一墊! 避免熨斗染上顏色




哥哥又試一試熨先!

芊芊都好想試(其實都係人試佢又試啫) 不過佢就唔好啦....好危險噢!


熨好啦, 熨到佢所有水份都蒸發哂就得架啦!

掀番出嚟好似一塊龜板....哈哈!

大家放心, 可能你以為張紙藍色點樣用, 其實佢另一面係白色架!

因為熨緊嘅時侯熱力將一邊嘅顏色都過哂落塊布度



芊芊拎住張再造紙好開心, 但係大家記住唔好咁大力...好易碎!!



當你熟習咗成個流程就可以開始大量作啦, 仲可以做出你鍾意嘅型狀!! 




沒有留言:

發佈留言

Related Posts Plugin for WordPress, Blogger...