2015年11月22日星期日

【親子好去處】尖沙咀 衞生教育展覽及資料中心 Health Education Exhibition and Resource Centre@九龍公園 Kowloon Park

今日番完教會近近哋過去對面嘅九龍公園行吓

我哋先衞生教育展覽及資料中心參覯吓

同清潔龍垃圾蟲影番張相先!




只要喺尖沙咀港鐵站A出口一出嚟向後樓梯直上

就會見到呢座衞生教育展覽及資料中心

成座紅磚屋好易認!


今日我預備咗每人一部相機

俾佢哋試吓影相,拍低自己鍾意嘅事物

而且我可以喺佢哋影嘅相裡面睇到佢哋參觀嘅角度

感覺好得意㗎!


呢度係免費參觀,而且裡面幾乎一個人都冇

簡直感覺好似發現咗個新大陸咁

裡面展板主要提及我哋要注意個人飲食及衞生




芊芊一見到Mon就起勢咁亂撳!

不過太多字!對小朋友(就算小學生)嚟講未必會咁有耐性睇


呢張圓枱都唔係太知想點

應該俾小朋友玩到亂哂

上面又貼住告示話「請勿觸摸」但係你唔摸又玩唔到

每張食物咭紙後面雙面膠紙又殘哂!



呢度有個雪櫃又幾得意

芊芊即刻走埋去影個相先


呢度擺放咗唔同嘅高風險食物

唔講唔知原來牛奶都白切雞都係高風險!

佢哋兩個拎住部相機見到呢D食物模型係咁影



呢度有個好巨型嘅甜筒

其實都幾好笑,佢唔係應該用一個健康食品先做個咁大嘅模型咩?

依家攪到好似支持大家食多d雪榚咁!


場館中心有個好大嘅互動遊戲

都幾好玩㗎!不過個Joystick又係Shot Shot哋!(都玩到嘅)




最後行到場館嘅尾尾

都仲放咗兩個互動遊戲(都玩得過嘅)







最利害係呢個啦!迷你影院

真係設計到好似一個戲院咁

外面有好多個Poster播放緊唔同嘅食物衞生主題嘅電影

當然佢冇電影咁長啦,其實好似ETV教育電視咁,題係都幾好睇架!

4套Loop住咁播放,有真人做嘅劇,都有3D動畫㗎!小朋友睇到唔捨得走





呢度有條樓梯行上去係辦公室同埋資源中心

所以我哋冇上去啦!直接行出去外面同清潔龍同埋垃圾蟲影相呀!




除咗佢哋之外原來仲有其他角色㗎喎

佢哋嘅歷史仲老過我!

呢隻叫做「清潔小姐」係七十年代嘅宣傳卡通人物!


呢隻仲勁,叫做「平安小姐」係六十年代嘅宣傳卡通人物

當年呢個設計師真係勁,諗到個「平」字就係眼鼻口

個「安」字就係佢對腳,咁佢咪一直都只可以交叉腳行囉

所以我相信呢個角色係唔會有Animation!


喺呢班卡通人物隔離放咗另外4架唔同嘅Q版車

分別係吸渠車,電動掃街車,洗街車,垃圾收集車

最後我哋就離開咗呢度再向九龍公園嘅另一個展館前進

下一站>>CLICK HERE!
【親子好去處】尖沙咀 香港文物探知館 Hong Kong Heritage Discovery Centre@九龍公園 Kowloon Park






Photo by CANON 5D Mark III, Len | EF 24-70mm f/2.8L USM
呀劍評分: 8分


呀劍評語: 雖然唔係好大,但係裡面嘅互動遊戲及POPS都好好玩好好影,仲有個迷你影院小朋友又鍾意睇又可以教到佢哋食物衞生常識真係好好,而且喺尖沙咀呢個只有Shopping嘅地方,有這個中心俾小朋友喺度玩吓好過去商場嗰D又多人又排長龍嘅主題展覽

衞生教育展覽及資料中心 簡介
衞生教育展覽及資料中心位於九龍尖沙咀九龍公園S4座內,於一九九七年五月十七日正式啟用。中心設有一個展覽廳,位於一幢逾百年歷史的建築物內,並佔用兩個樓層,面積達1,100平方米。此外,中心還有一個佔地400平方米的戶外衞生教育花園、一個藏有4,500多本刊物的資料中心、一個可容納60人的演講室及一個供該中心職員使用的辦公室。

地址
九龍尖沙咀九龍公園S4座(位於九龍公園內,近海防道與彌敦道交界處,尖沙咀港鐵站A1出口。)

開放時間
星期二、三、五及六:上午8時45分至下午6時15分
星期日:上午11時至下午9時
星期一、四及公眾假期︰休息
(中心於休館前30分鐘停止參觀人士進場。)

免費參觀


交通
尖沙咀港鐵站A1出口一出往後步行上小樓梯

網址
http://www.fehd.gov.hk/

電話
2377 9275

(以上資料更新至文章當日)

沒有留言:

發佈留言

Related Posts Plugin for WordPress, Blogger...