2015年9月13日星期日

【親子好去處】觀塘 岩石主題 彩榮路公園 Choi Wing Road Park

康文署轄下其實有上百個公共公園,但係好多時都唔係就近巿區(因為最靚嘅地都賣哂俾地產商),用我哋納稅人嘅錢起嘅公園就唔講你都唔知道,今次等我帶大家睇吓呢個位於觀塘區的岩石系公園!



搭綠Van到彩福邨總站落車就會見到一楝好高嘅電梯

岩石公園就喺上面!芊芊即刻跑去撳𨋢


今日下晝都幾曬,當我哋一入去部𨋢度即刻嘩一聲!

因為𨋢裡面個冷氣好夠凍,So Nice!





一出𨋢就係一條木橋,2個小朋友即刻跑跑跑去前面嘅公園



咩都見唔到,剩係見到前面呢個咁特別嘅遊樂設施

我都覺得呢個遊樂設施好唔簡單,真係有設計!





妹妹最鍾意玩單槓!

哥哥就爬嚟爬去超開心

當然呢度咁偏僻就梗係一個人都冇啦

呢度可能個地勢真係好高,所以好好風好舒服!





呢度個繩網都係不規則有弧度

我好鍾意呢個設計!



哥哥唔該你喺度爬夠佢,番到屋企唔好再爬床





喺呢度你會發現多一楝好高好過嘅𨋢



你可以選擇行樓梯行上去都得㗎



可惜呢度好多嘢都唔俾

唔俾帶狗,唔俾踩單車.....





呢度都有俾老人家做運動嘅設施



有個俾人休息嘅地方,呢度都幾適合做一個舞台仔喺度表演



 有d櫈同枱可以俾呀伯喺度捉吓棋



仲有呢個岩石梅花樁



附近亦設有d岩石嘅介紹同資料!



呢個遊樂場寫住話只適合12歲以下小朋友玩



跟住我同佢哋搭𨋢上去睇吓第二層係咩嚟㗎先



嘩原來上到嚟望番落去都好壯觀!

真係要讚多次設計師設計得呢個公園好靚




第二層冇咩特別,只係有個太極園有埋好多休憩區

望去左手邊就係一大座礦石山





圖右就係搭𨋢上嚟溉位置

行到過嚟呢度再向下影番張相

睇到唔同角度既公園

圖左靠上的𨋢就係一開始落車搭上嚟的那部𨋢



佢哋兩個望番落去大聲嗌媽咪!

媽咪驚曬已經匿埋咗



呢度仲有唔同嘅岩石大大細細唔同顏色

可以俾小朋友親手去摸吓唔同種類嘅石頭!




 之後都係落番嚟玩(其實同芊芊已經上下搭𨋢搭咗好幾次)

當嘆吓冷氣!hEEEE

哥哥就喺度識到個朋友仔,呢個小朋友好得意

佢住喺附近,話媽咪喺上層度跑緊步,自己就落咗嚟玩!

佢同我講佢話自己一唔開心就會落嚟呢個公園玩






呢個鐵架好特別,係可以轉動㗎!




(特插張芊芊靚相先)



大家可以放心呢度係有洗手間嘅!

唔好以為呢度咁高急尿唔知去邊度好!



廁所裡面一樣係有岩石

對爆石嘅人嚟講都幾Fit!



洗手間對出有間房好似有部好大嘅機器喺裡面

其實呢個係展示的廁所污水作沖廁水循環系統 (Grey Water System)。

除咗呢度、佐敦谷公園和埋彩禧路公園都採用此系統。

圖中介紹點樣一個又一個嘅步驟唔知同岩石有冇關呢?




芊芊身後嘅岩石好得意

好似一隻耳仔!


最後喺梅花樁度玩多一陣我哋就拜拜呢個公園lu...









玩玩吓變咗喺度執草!




Photo by CANON 5D Mark III, Len | EF 24-70mm f/2.8L IS II USM


呀劍評分: 7分


呀劍評語: 以岩石為主題的公園好特別, 而且好少人(當然都唔容易去) 地方好空曠好舒服自在!

觀塘 彩榮路岩石系公園 簡介
彩榮路公園就在平山彩霞邨對開山上,前身是平山石礦場。2001年,香港政府決定將位於九龍觀塘區平山已經停止運作26年的平山石礦場地段發展,將此地由一個由廢棄石礦場改造而成為社區公園!而且以岩石公園為主題,教育大眾地理的知識。

地址
彩榮路 88 號

開放時間
24小時

費用

免費入場

交通

專線小巴 83A 由彩虹站坪石到總站彩福邨 (彩榮路公園)

(以上資料更新至文章當日)




沒有留言:

發佈留言

Related Posts Plugin for WordPress, Blogger...