2015年9月15日星期二

【生活點滴】紅磡 香港紅磡體育館 Hong Kong Coliseum 李克勤 容祖兒 演唱會 2015 Hacken Lee & Joey Yung Live in Hong Kong 2015

今日又同老婆拍住拖去睇演唱會!

克勤同祖兒我哋都未睇過佢哋個別的演唱會

反而第一次就睇佢哋一齊合作!



我哋坐咗喺第四行

今次帶埋支小白去影相

希望佢哋多D行嚟我哋呢邊啦!!


今日應該係第五場

先係Joey出場, 跟住唱咗陣就到克勤都升上嚟


側邊既大頭Dancer好攪笑

佢哋出場既theme係用啤牌既King同Queen



大家既注意力都係集中喺Joey度

始終女仔既衫可以有大D變化

我覺得全晚最靚都係呢件!






佢哋一開始係不停咁唱

差唔多唱咗2粒鐘都冇同大家講過嘢

今次係用九大行星既Concept

寓意女仔係水星, 男仔係金星(唔知有冇記錯)






跟住講述男女之間感情又相識開始

中間的起起伏伏, 波波折折

最後仍然可以繼續相愛

(都係嗰D啦其實, 冇咩新意)





最後要帶出的就係要珍惜對方....




Joey呢條裙都幾WOW!

有D似小鳳姐Style!

只係人哋用大波點, 佢用細波點



條裙仲要係大露背架LOL!



去到中間呢幕, 無端端Joey行入去呢個紙條陣裡面唱歌

之後到佢出嚟然後到克勤入去唱

我估都係寓意大家有度牆開始有隔膜!



跟住呢一幕到佢哋每人一Part Solo

Joey換咗呢一身白毛毛出場

我就覺得好怪同唔靚!!!.....囉







之後到克勤自己Solo! 一出場頭頂放咗好多吊燈落嚟

成個View都好華麗好靚!!

當然要唱佢既飲歌「大會堂演奏廳」


之後仲行咗上幾個木箱度自彈自唱!!






Joey終於換番條靚靚裙出嚟順眼番好多!









終於完成咗Part1既九大行星

最後一首唱既係「紙牌屋」

居然克勤唱錯歌詞








佢哋落番台之後

好快又再上番嚟

呢一Part就Casual啦, 一邊唱吓歌一邊傾計吹水!


克勤好攪笑咁話頭先唔記得歌詞

係因為呢幾年都近某個人太多

同埋佢話一個人金曲太多

就總會有一兩首唔記得歌詞 HAHAHA





當Joey喺度多謝番今次演唱會既製作單位

介紹一吓今次個九大行星Concept講番男同女所代表星

克勤話「公星同埋乸星」....好攪笑

Joey GET唔到仲重覆講多一次....








最後居然佢哋走到我呢邊咁近

捉咗一個坐我前行既女人上台玩

唱「舊歡如夢」

個女人話「好多人拎住電話影我喎...會唔會上蘋果架?」

克勤即刻衝出嚟話「你唔係依家先諗呢個問題呀!」哈哈哈



最後再唱番「刻不容緩」就完咗個Show啦

P.S. 聽講最後一場唱到過哂鐘成十二點幾先完SHOW.....好誇張


Photo by CANON 5D Mark III, Len | EF 70-200mm f/2.8L IS II USM

呀劍評分: 7分


呀劍評語: 好似前一次Eason咁一開就係唱唱唱,一句嘢都唔講,到最後1/3時間就同大家傾計玩同唱,不過冇比我想像中咁好睇,可能始終想聽佢哋自己唱番自己嘅金曲,多過想聽佢哋唱對方嘅歌!



沒有留言:

發佈留言

Related Posts Plugin for WordPress, Blogger...