2015年7月1日星期三

【親子好去處】大埔 林村 樹屋田莊 Tree Top Cottage

事隔一年, 今日帶住教會一大班朋友再一次嚟到樹屋田莊! 心情興奮, 因為可以玩番我哋上年未玩得到嘅項目,超期待既畫面出現喇...




大家可以回顧番我上年一家到此一遊嘅文章


今日我哋一大早7:00就起身啦,因為有好多嘢要準備,

因為今日我哋訂了日營,沒有包午饍,

所以我們全部家庭都自己預備食物一齊分享

我哋8點多就出門口食埋個麥當當早餐之後

就上旅遊巴士預備出發!

9:25開車,10:00就到達啦

大家如果自駕遊或者搭64K巴士,見到根記農場個牌就係架喇!


落咗車之後就已經見到樹屋田莊嘅職員喺度等緊我哋

佢帶住我哋行入去

沿路仲一邊同小朋友講笑,同見行得快會等一等我哋(幾細心!)





穿過小橋流水,大約5分鐘路程就見到樹屋啦









面前呢幾條木係話用嚟做新既設施,

好期待睇吓佢又有咩新嘢玩! 下年又要嚟多次先至得





「樹屋田莊」個牌匾就係咁放咗喺個地下度喇!



我哋今日整個行程時間表係咁嘅:

10:00 簡介
10:30 奇妙橫水渡 
12:00 印第安遊獵 
14:00 樹屋歷奇

首先我哋安頓好所有行李,

然後職員哥哥Jason同我講解一下營內規則



小朋友們都好專心聽職員講解!

不過始終職員唔係人哋爸爸,

所以講嘢帶點難GAG, 小朋友都聽唔明!



喺Jason哥哥去準備橫水渡既裝備時, 

小朋友都走咗去餵魚!!



終於開始玩第一個遊戲啦

Jason哥哥落咗水負責講解及示範

大家急不及待就要落去玩啦





 Jason哥哥喺咁熱天氣,

都好精神同滿帶笑容同我哋講解

仲引到小朋友發笑,

真係唔容易!! 呢D咪叫「敬業淆業」囉





起初以為好容易控制

其實都唔易架,如果貪快的話,拉拉吓條線個木伐就會斜咗

去到搖鐘之後想轉彎仲難

真係要好有腰力同手力

因為自己同住兩個小朋友一齊玩,所以要更加小心!







之後我同芊芊及另一位哥哥再玩一次,

芊芊全程坐喺度唔郁好攪笑!






跟住Jason哥哥話不如增加難度,

於是教大家企喺度玩

但係每一個小朋友都做到, 好勵害!





因為天氣實在太熱,之後睇番好似有成35度!

所以好多大朋友都已經番入去抖涼,

剩番小朋友玩完又玩,唔通佢哋真係唔怕熱嘅?



因為有小朋友食番塊冰菠蘿先, 承惠$5蚊雞!



喺第2個遊戲開始之前, 芊芊要開飯先啦

因為我哋玩完第二個遊戲成1點鐘先開飯!



哥哥超期待第二個遊戲開始!!



大家抖咗一陣之後我哋就開始另一個遊戲喇

就係扮印第安人玩吹竹筒箭啦

呢個遊戲原本應該要喺戶外玩

但係我諗職員覺得天氣太熱唔適合





呢D就係我哋一陣遊戲要既道具!



小朋友都集中聽哥哥講介遊戲玩法

(不過佢真係太多口水, 講咗差唔多15分鐘)



呢塊就係一陣間要射箭既箭靶!

紅心都已經有個大窿!

成本咁低既嘢, 係咪時侯要換過一塊呢!?



開始扮印第安人啦,

化番個印第安人妝先!!

職員哥哥揀咗個小朋友出嚟做model!



平時Hysan一定唔肯俾我畫花塊面

但係今日可能開心,周圍朋友仔都係識得嘅!

所以就唔介意,我都有俾佢畫番㗎!



然後我哋圍圈先玩咗個「估領袖」遊戲

佢話呢個係改版叫做「估猶長」





大家最開心既時侯嚟喇

輪流吹箭,大人細路都玩得好開心







Hysan都好利害,有一次射中紅心

職員哥哥都好好人,雖然成日都講難GAG

但係見到小朋友吹唔到都會鼓勵佢







扮完猶長我哋都肚餓要醫肚啦

大家都拎出帶嚟既食物

由於職員哥哥預備埋個雪櫃俾我哋放食物,

所以我哋預備嘅冷盤一拎出嚟食即刻解暑呀

真係好豐富呀,不過我真係最印賞工人姐姐Grace煮的冷麵

好好食!好解暑!

最後梗係清哂啦!



之後可以玩最後一個壓軸遊戲啦 -爬樹屋

原來係2:30開始嘅,因為職員們都有午飯時間

不過佢見我哋提早食完嘢

所以2:00就開始可以玩啦




首先哥哥教我哋點樣戴上安全帶

爸爸好論盡,居然手腳調轉咗戴!

然後除咗職員哥哥之外,仲加咗兩位爸爸在樹屋上照顧小朋友











因為有一定危險性,所以媽咪同芊芊就只好留在樹下

Hysan出發啦

佢一手一腳好快就已經爬咗上去

行到一半,要打橫行過樹的另一段

呢個位置都有少少心寒㗎!

不過Hysan都好叻可以順利上到去樹屋,


















其實爬到最高望番落嚟都真係幾高

樹屋上面冇咩特別嘢,

有段小梯級行上另一個屋仔



有勞兩位爸爸在樹屋內照顧小朋友





就要預備瀡番落去喇

㵦落嚟要好似消防員咁

握住一支鐵銅就㵦落去

但係Hysan好勇敢,對於小朋友嚟講真係唔容易

甚至有3歲的小朋友一樣照爬照㵦好大膽呀!

因為我哋要去石崗軍營嘅原故,

所以玩完一次我哋就離開lu

下一站>>CLICK HERE!
【親子好去處】錦田 石崗軍營 Shek Kong Barracks





Photo by CANON 5D Mark III, Len | EF 24-70mm f/2.8L II USM


呀劍評分: 9分


呀劍評語: 仲記得上年嚟嗰次我俾咗9分, 係因為佢開放日太多人, 要等好耐先可以玩到一個活動, 今日自己訂場玩, 可以揀3個項目, 但係今次都係俾9分, 因為佢場內其他康樂設施全部都維修封住, 好似芊芊咁細爬唔到樹屋, 都冇得玩吓瀡滑梯打吓千秋, 7月1日都算係暑期既開始, 但係都仲未整好! 知道佢哋嚟緊都會再增加多點新設施, 希望你哋下年可以喺旺季前攪掂啦!


呀劍貼士: 廁所唔太方便去, 但至少唔太臭, 都係濕濕淋淋隔空去咁囉! 記住夏天去真係要做好防曬裝備, 飲多D水, 如果要排隊等飛天真係未到你都已經曬死! 小賣部只有嘢飲(e.g. 寶礦力一支$16) 同埋冰菠蘿($5)都唔算太貴

樹屋田莊簡介
是一個很原始又充滿創意的地方, 一支樹枝、一條繩索都可建構無限可能性。大埔林村「樹屋田莊」便讓大家回歸原始生活,大大間樹屋建於擎天巨樹上,爬上樹後不但可眺望優美景色,還能考驗各位膽量;同場仲有橫水渡、飛天繩索等DIY歷奇活動,玩完保證大家泰山上身!

地址
大埔林村新塘下村26A2

交通
從大埔墟鐵路站或元朗(西)總站乘64K號巴士或從大埔墟(懷仁街)乘25K號專線小巴
在林錦公路,看見「根記農場」或「新塘」巴士站下車

網址
http://www.treetopcottage.org


(以上資料更新至文章當日)





1 則留言:

Related Posts Plugin for WordPress, Blogger...