2015年5月2日星期六

【親子好去處】屯門 輕鐵遊 老鼠洲兒童遊樂場→屯門碼頭→蝴蝶灣公園→蝴蠂灣泳灘

今日剩係坐住架輕鐵, 就帶住我哋去咗好多個地方, 先到老鼠洲兒童遊樂場, 然後屯門碼頭, 再行過蝴蠂灣泳灘, 最後到湖山單車公園同屯門交通安全城, 



上一站>>CLICK HERE!

【親子好去處】屯門 輕鐵遊 湖山單車公園→屯門交通安全城



我哋先在水邊圍輕鐵站起步, 

Hysan同芊芊輪流踩住scooter行去輕鐵站, 乘搭614往屯門碼頭方向, 

其實連坐輕鐵小朋友都當係景點之一, 搭咗差唔多15-20分鐘到就到咗兆麟站啦






在兆麟站落車之後, 沿行人天橋行過對面, 

向前行2分鐘就見到老鼠洲兒童遊樂場! 

公園唔算大, 但係最特別係架船造型既遊玩設施! 

企喺船頭影相既時侯其實都幾似係去咗挪亞方舟架!



裡面設施以外的地方都幾好走, 唔會話太驚小朋友撞到, 

呢度既設施都比一般公園較為特別, 剩係講爬嚟爬去既設施都好唔同!









裡面有兩個大木桶造型既地方(好似叮噹既大水管咁), 

用嚟玩"躲貓貓"(捉衣因)都幾正! 

呀妹周圍行玩暈咁多樣嘢!













哥哥行咗去船邊落唔番嚟....







我哋玩完之後跟住都差唔多兩點, 哥哥突然話好肚痛, 突然之間我都唔知去邊度搵厠所

咁啱聽到人講話呢度有大快活, 所以我哋就一齊入去屋苑內的大快活, 

順便食下午茶! 俾小朋友去吓厠所嘆吓冷氣! 



跟住我哋就行番出去兆麟站搭614, 

本來打算先去湖山公園然後去屯門碼頭睇日落, 

但係侄仔係飛機迷, 想即刻去睇飛機降落, 所以我改咗先去屯門碼頭



我哋沿住碼頭一路行, 去到蝴蝶灣公園, 見到有個石灘, 

好多人喺度掘蜆, 我哋就走埋去睇! 

不過始終都唔夠貝澳個D專掘蜆的地方, 有D污糟, 所以我哋望吓就走!




跟住前面有個用好多大石頭堆砌的路, 我同Hysan就試吓行過去, 

咁又可以當係一個遊玩景點喇! 行起上嚟都幾遠架, 不過佢慢慢行都行到過去! 

如果落雨天就唔好啦, 會容易跣親!



呀劍評分: 8分


呀劍評語: 每一個地點唔算係D咩好特別既地方, 但係用輕鐵將每一個地方串連埋一齊! 就覺得好完整好特別! 除咗在每個地方玩之外, 坐輕鐵都變咗係其中一個玩點!


-----------------------------------------------------------------------------------------------------------------

老鼠洲兒童遊樂場簡介
老鼠洲兒童遊樂場是香港新界屯門區其中一個公園,位于屯門青山灣老鼠洲,屬香港首個環保公園。園內建有一艘以中式帆船造型的兒童遊樂設施

地址
屯門鄉事會路與海榮路交界

開放時間

暫無資料

費用

免費入場

交通
- 輕鐵兆麟站或三聖站步行若5分鐘

-----------------------------------------------------------------------------------------------------------------



屯門碼頭簡介
屯門碼頭(又稱屯門客運碼頭、屯門渡輪碼頭)是香港新界屯門新市鎮南部的渡輪碼頭,位於蝴蝶灣東面、海翠花園對出


-----------------------------------------------------------------------------------------------------------------

蝴蠂灣簡介
蝴蝶灣是香港新界屯門區的泳灘,位於屯門新市鎮南部,屯門碼頭以西,附近有公園、燒烤場、輕鐵站和商場相伴。
蝴蠂灣公園是香港一個大型公園,位於新界屯門新市鎮南部的蝴蝶灣,蝴蝶灣公園以南緊鄰蝴蝶灣泳灘,公園亦設有海濱長廊和花園,更有燒烤設施,是香港燒烤的熱門地點之一,並設有露營區,是香港郊野公園範圍外唯一的官方露營地點。蝴蝶灣公園再往南望,隔海峽可以遠眺大嶼山東涌及赤鱲角香港國際機場。
蝴蝶灣泳灘是新界區(不包括離島)最西面、全屯門第2長的海灘,不少遊客假日到新界消遣時,常會到黃金泳灘或蝴蝶灣,區內擁有燒烤場和購物中心。蝴蝶灣同時為香港境內最接近中國大陸珠江口的海灘之一,所以很多時不少來自中國大陸的垃圾會隨著海流帶至本灣;加上鄰近望后石的貨櫃碼頭(香港內河碼頭)和香港國際機場,使蝴蝶灣的污染指數曾一度被評為「欠佳(Poor)」。(本人不太建議在這裡游水)

-----------------------------------------------------------------------------------------------------------------


湖山遊樂場/單車公園簡介
路面平坦的單車場,適合初學者或年幼兒童。附近還有屯門交通安全城,提供模擬道路環境,以提高小朋友的道路安全意識。公園內設有單車租賃亭、洗手間及更衣室。

地址
屯門湖山路

開放時間

每日上午7時至晚上11時

費用

免費入場

交通
- 輕鐵兆禧站步行若10分鐘

電話

2463 7597

-----------------------------------------------------------------------------------------------------------------


湖山單車

地址

屯門湖山公園單車亭

費用

不同款單車不同收費, 亦以每小時計算. 以中形單車16吋車碌計, 平日每小時$13, 假日每小時$16.

電話

2464 9658

-----------------------------------------------------------------------------------------------------------------


屯門交通安全城

地址
屯門湖山遊樂場

電話
2463 7618 (康樂及文化事務署)
3661 3436 (新界北總區道路安全組)

(以上資料更新至文章當日)




沒有留言:

發佈留言

Related Posts Plugin for WordPress, Blogger...