2015年4月4日星期六

【親子好去處】錦田 錦田鄉村俱樂部

唔夠一年又嚟多次錦田鄉村俱樂部,今次係因為做一次導遊,帶一班識咗廿年既老友嚟玩吓! 因為佢哋大部份都係住喺港島,所以其實都好少機會接觸到大自然!到佢哋唔怕遠之後我就再帶佢哋去RAW d既地方啦!哈




嚟過咁多次之後,我發現呢度真係識做生意,佢哋將卡通車放係入口最近的第一個遊戲點

攪到我哋一入嚟d小朋友就嘈住話要玩,我個女連問都冇自己坐咗上架動物車度tim!





其實我之前喺度諗點解連埋大人坐架動物車就要貴多$10,我依家知點解啦,因為大人坐埋上去,架車係會非常之咁慢, 所以計番條數佢哋覺得要收番多$10先至得

之後班小朋友就嘈住要玩隔離既電單車啦,呢個就算比較實惠,$30就可以話好耐,話就話10分鐘,但係佢睇唔哂咁多個小朋友,有陣時偷偷吓雞都玩到20分鐘架!







踩完單車,跟住就同大家行過士多啤梨園度,不過大家都冇咩興趣摘,

其實佢都係跟磅數計幾錢,如果唔係見水尾d士多啤梨唔係咁靚,我都會同小朋友去摘吓,俾呀妹又感受吓!

穿過士多啤梨園之後就去到大草地,大家休息吓吹吓bubble食吓嘢咁!

呢度有得燒嘢食有個小食部賣吓魚蛋燒賣咁!原來仲有小玩具賣,我朋友買咗個弓箭俾小朋友玩,佢哋都玩得好開心!

大家記住要帶埋波嚟踢吓,如果有風箏仲好!不過我個隻起唔到飛好失敗






我哋最後先至去餵小動物,我奉勸大家如果一入場,最好先去餵小動物,因為我哋最後先去餵,佢哋已經飽哂瞓緊覺,小朋友只好將d菜掉入去個籠度


當然我又要喺呢個士多啤梨公仔前面影番張相啦,希望每年入嚟都喺度影番張相記錄佢哋成長!


Photo by CANON 5D Mark III, Len | EF 35mm f/1.4L USM

錦田 錦田鄉村俱樂部 19.1.2015

錦田 錦田鄉村俱樂部 27.12.2013

錦田 錦田鄉村俱樂部 27.3.2012

錦田 錦田鄉村俱樂部 5.3.2012


呀劍評分: 8分


呀劍評語: 有動物, 有嘢玩, 有得跑, 有得食! 又易去, 實在係一個幾啱親子一家去既地方, 所以先會每年都去一次!

錦田鄉村俱樂部簡介
錦田鄉村俱樂部是一個集多項遊樂設施的超大型戶外場地。位於錦田水頭村的錦田鄉村俱樂部佔地100萬平方尺,設有一個全港最大、可容納2000多人的全天候天幕燒烤場。還有親親大自然的釣魚場、有機農莊、兔仔樂園,尤其適合親子樂;若要動感一點,錦田鄉村俱樂部亦War Game場,射箭場及康體活動場地等。附近的「有機士多啤梨自摘園」更是不能錯過。錦田鄉村俱樂部有玩不完的設施;超廣闊的大草地,除了可欣賞一望無際的怡人景色外,最適合放風箏及進行各項親子活動,亦可以攜帶寵物入場。 「有機士多啤梨自摘園」是免費入場的,只是摘來的士多啤梨會以重量收費,遊人要將摘下來的士多啤梨到收銀處付錢後,才可以即場品嚐。 

地址
新界錦田水頭村 684 地段109

開放時間

星期一至五 10:00-6:00pm
星期六日假期 10:00-10:00pm

費用

免費入場, 場內設施個別收費

交通
-西鐵錦上路站C出口轉乘的士
-601特別線 (假日) 綠頂小巴
-18號 紅頂小巴/64K 巴士, 錦田蒙養小學下車、然後在蒙養小學路口步行入內、沿途經過紅綠燈、便會見到斜路開始起有彩色旗仔、沿途跟著旗仔直入約15分鐘

電話

2442 0909  

www.YL.hk/ktcc


(以上資料更新至文章當日)





沒有留言:

發佈留言

Related Posts Plugin for WordPress, Blogger...