2015年1月2日星期五

【親子旅遊】台北宜蘭 DAY6 橘之鄉蜜餞形象館 宜蘭窯烤山寨村 龍潭湖風景園區

嚟到最後一日既行程,

我哋得一個上晝可以計劃,

我們去了橘之鄉蜜餞形象館, 山寨村 及 龍潭湖風景園區

上一站>>CLICK HERE!

[親子旅遊] 台北宜蘭 DAY5 清水地熱 宜農牧場


芊芊一早起身要自己刷牙,

見到一個人仔自己拎住支牙刷刷牙真係好「打耳」!




就嚟要離開呢個咁靚靚既旅館,

喺度同小朋友影番多D相留念先




我哋離開咗之後就坐Jakey哥哥的包車

我哋用咗15-20分鐘就去到橘之鄉

因為今日得一個早上嘅行程

所以去橘之鄉係最適合不過



橘之鄉有一個橘子製造既工作坊

差唔多半個鐘就會開一班

所以大家都唔駛太計住時間入場

我哋去到周圍行吓好快就開始下一場工作坊

呢度放咗張好巨型嘅枱櫈喺度

芊芊企埋去就變得好細粒






呢度周圍嘅環境都好靚

好適合影靚相!


喺工作坊間房隔離有間餐廳

不過都幾少人幫襯

大家多數都係嚟參加工作坊


工作坊唔駛報名

只要上班離場之後

等職員清理好場地

你坐埋去直至坐滿就會開始



只有媽咪同Hysan一齊整橘子

所以芊芊喺度扭哂計

首先將橘子經過鐵管(枱上放著的那個)

將粒Ding整走佢再推入個樽




然後加咗鹽同裡面嘅橘子一齊搖勻

之後將所有橘子倒進小小的樽子裡



最後揀番張靚靚嘅布做蓋

再用橡根縛實就完成了

非常容易的步驟

連4-5歲小朋友都好絕對掌握到


最後周圍行吓去吓洗手間整理一下

我哋就再坐上Jakey哥哥的包車

出發到山寨村


本來打算在山寨村食Lunch

但係大家剛吃過早餐

所以真係未肚餓

於是入去餐廳望一望

買了些麵包

跟這裡出名的馬桶雪榚(忘了影相)

只係扭紋朱古力雪榚放在一個像馬桶般的盤子上


整個山寨村都係QQ的地獄魔鬼

一D都唔恐怖,仲好得意!

在餐廳內有隻超巨大的紅魔鬼

佢拎住條好大嘅麵包


媽媽同Hysan喺裡面買緊嘢

我同芊芊在外面等侯

因為裡面太多人了!



在山寨村隔離有個亞典菓子工場

不過我今次我哋就唔去呢度住

剩番少少時間我計劃了去另一個地方

就係龍潭湖


點解要嚟呢度?

呢度除咗係一個公園之外

就係有呢個好有特色嘅瀡滑斜地



呢度好多小朋友

個個都行到最高跟住瀡落去




不過玩玩我發覺其實都有少少危險

因為好多小朋友瀡緊落嚟

企喺度嘅小朋友就見唔到瀡緊落嚟嘅人

所以一講完冇耐,Hysan即刻就中招


一個女仔佢瀡落嚟嘅時侯

掃低咗哥哥

好在哥哥只係撞一撞到個咀唇

妹妹都即刻冇玩走過嚟睇吓哥哥

(媽咪當時怕曬用咗妹妹件衫遮太陽)


哥哥都未喊完

芊芊已經又番上去繼續瀡lu...




Photo by CANON 5D Mark III, Len | EF 35mm f/1.4L USM

呀劍評分: 8分


呀劍評語: 橘之鄉周圍環境好舒服, 可能大人會覺得呢度冇咩玩好悶, 不過我覺得唔係要吓吓節目豐富先叫好, 喺呢度你覺得成個生活節奏都慢D, 如果唔多時間, 嚟呢度嚟個短短Trip都幾好架!

橘之鄉蜜餞形象館 簡介
每一個第一次踏進橘之鄉形象館的客人,總對於我們免費提供的「生津金棗茶」感到驚豔。認為這樣一個設備完善的景點,怎麼可能有如此好康的免費福利!不單是金棗茶,我們還提供您各試的試吃品,讓您完整體驗橘之鄉的溫暖與甜蜜。

地址
宜蘭市梅洲二路33號

營業時間
週一至週日AM08:30 ~ PM06:00(全年無休)

交通
搭乘客運至宜蘭轉運站,轉乘「755」噶瑪蘭客運,橘之鄉下車
火車搭乘至宜蘭火車站,轉乘「755」噶瑪蘭客運,橘之鄉下車

電話
886-3-928-5758

網址
orange.country@msa.hinet.net

-------------------------------------------------------------------------------------------------------------------------

呀劍評語: 如果去開嗰頭玩, 中午嚟呢度坐吓食個Lunch都唔錯, 嘢好唔好食就唔知, 但係起碼有個妖怪做主題幾得意! 知道佢係礁溪四圍堡車站個邊都開咗間以Harry Potter做主題的餐廳, 不過我就覺得唔係太靚

宜蘭窯烤山寨村 簡介
窯烤山寨村延續溪頭妖怪村的主題,再加上蘭陽平原故事,重新塑造出巨人赤魁的形象風格,創造出了這個神秘的山寨村,山寨村以木造的建築、建築上掛上紅色燈籠,看起來很有日式風格,餐廳裡面也擺放了大巨人赤魁,手上還拿著一個超大的麵包,裡面的餐廳菜色也是琳瑯滿目,名稱也都取的相當有趣特別,連洗手間的標示也是用得很逗趣好玩,會讓人不僅的會心一笑。

地址
宜蘭市梅洲二路140號

營業時間
09:00 - 20:00

交通
火車:至礁溪站或宜蘭站,再轉乘計程車即可到達。
客運:葛瑪蘭客運、首都客運至礁溪站或宜蘭站,再轉乘計程車即可到達。

電話
03-9289933

-------------------------------------------------------------------------------------------------------------------------

呀劍評語: 龍潭湖給我的印象非常棒,大片的草地,很適合小朋友在上面玩耍, 仲有呢個咁出名既溜滑梯, 不過記住一定要除咗對袜玩, 如果唔係就太跣! 其他就都係同一般公園差唔多!

龍潭湖風景園區 簡介
原名「大埤湖」,這個名字大家可能比較熟悉,是礁溪最大的湖泊,台灣對湖泊的命名,大多以形狀或湖色,龍潭湖則是以山勢風水。兩座突出湖面的山,其山貌似龍,一公一母,龍頸處建有黃帝神宮,龍頭正對龍潭湖入口。龍潭湖也是昔日蘭陽十二景之一,現規畫有環潭自行車道及步道,很適合全家大小一起來

地址
宜蘭縣礁溪鄉龍潭村環湖路1號

收費
免門票。

開放時間
全年無休

交通
自行開車
自行開車:
1.國道五號:由國道一號(中山高)至汐止系統交流道轉走國道五號(北宜高速公路),過雪山隧道由頭城交流道下往台9號方向行駛,接大坡路二段,再轉大坡路及環湖道路即可到達礁溪龍潭湖。
2.國道五號:由國道三號(二高)至南港系統交流道轉走國道五號(北宜高速公路),過雪山隧道由頭城交流道下往台9號方向行駛,接大坡路二段,再轉大坡路及環湖道路即可到達礁溪龍潭湖。3.省道二號:走省道二號至壯圍後,沿四城聯絡道,接大坡路二段,再轉大坡路及環湖道路即可到達礁溪龍潭湖。

(以上資料更新至文章當日)



沒有留言:

發佈留言

Related Posts Plugin for WordPress, Blogger...