2014年10月2日星期四

【親子好去處】大埔 白鷺湖互動中心 Kerry Lake Egret Nature Park

本來今日打算去上水假日農場, 聽日才去大埔小白鷺餐廳玩, 但係有朋友在假日農場報料話好多人, 所以我都考慮咗一陣, 決定將10月2日同今日既行程調轉



之前在網上睇親呢度都係好多人嚟影結婚相, 覺得好似好靚, 但係原來唔係真係咁特別, 

裡面是一楝好似赤柱的舊羅馬建築, 進入門口有些精品店及攤檔賣玩具, 唔係太多人所以行得好舒服, 


不久就見到餐廳入口, 因為我哋11點先食早餐, 所以暫時都唔駛食lunch, 





我同Hysan先去周圍參觀, 因為芊芊要食我們在家預備的午飯先, 


我同Hysan先去餵吓羊, 因為好多人買咗草嚟餵羊, Hysan就咁係地上執人哋跌咗既草嚟餵羊羊


 


Shutter Speed | 1/400 s
Aperture | f/1.8
ISO/Film | 200



然後芊芊食完飯, 我就用$10買一札俾佢哋餵 (其實真係執人哋個D都夠!) 




我都係為咗影張相先買俾佢哋餵, 跟住洗番隻手(廁所好大好乾淨), 就去咗個小草地度玩, 吹番皂泡, 同其他小朋友一齊走吓跳吓, 


Shutter Speed | 1/400 s
Aperture | f/2.5
ISO/Film | 200



然後我同Hysan就會玩船, 船可以坐4個人, 但係要1米高的小朋友先準玩, 所以只有我同Hysan, 

$100/20分鐘, 其實自己計時, 所以你踩耐咗都冇問題, 除非太明顯好耐都仲見你係湖度, 如果唔係職員都唔會理, 

不過其實係你踩到好攰, 逼住要番上岸, 其實好似踩單車咁, 有個波棍俾你控制左中右, 好容易, 

其實唔駛著救生衣都得, 因為水深只係一米,所以跌落去都浸唔死! 


Shutter Speed | 1/100 s
Aperture | f/1.6
ISO/Film | 200



Shutter Speed | 1/100 s
Aperture | f/1.8
ISO/Film | 200

唔知因為天氣定咩關係, 得一隻白鷺企喺個湖邊, 所以所有人都踩過去睇, 

其實講真呢度唔係有好多嘢玩, 但係感覺真係好舒服, 好似渡假咁! 佢

附近仲有D跳吹氣彈床, 手工藝等等, 但係我梗係唔想哂錢做呢D嘢啦!




下一站>>CLICK HERE!
【飲飲食食】大埔 小白鷺餐廳


呀劍評分: 6分

呀劍評語: 因為佢真係唔太多設施, 可能要玩哂真係1.5個鐘攪掂, 不過佢唔係主打好似農場咁玩, 所以好正常! 當然佢可以有地方改進吓去吸引更多人嚟, 呢個地方真係好適合大家到一到, 佢其實3樓天台有得BBQ, 如果秋冬去, 係上面BBQ, 睇住成個湖景, 悠悠閒閒, 平時成日去開個D行程節目緊密的地方, 去吓呢度唔駛急, 慢慢行吓坐吓都真係幾舒服!


呀劍貼士: 餐廳與餵羊之間路程有個廁所, 比較大一點, 好似更衣室咁, 換片好方便好乾淨!門口有好多檔小玩具賣, 價錢合理!

小白鷺餐廳及白鷺湖互動中心簡介
帝景酒店臨近香港的中心點,位於荃灣的青山公路上。從酒店到香港國際機場,只須40分鐘車程。酒店座落於汀九橋畔、汀九灣和麗都灣之間,臨海而建,坐擁青馬大橋和汀九橋的宏偉景觀,以及馬灣海峽的壯麗海景。依山傍水、環境優越、締造出舒適悠閒的感覺,有別於一般的酒店景觀。帝景酒店提供方便快捷的交通前往港九各區,只須數分鐘便可到達荃灣港鐵站。

地址
香港新界大埔滘紅林路2號

結果如我所料, 因為小白鷺比較遠, 同埋冇咁多嘢玩(佢係休閒及以餐廳為主), 所以少D人, 到10月2日去假日農場就少D人! 我哋在元朗食過早餐之後, 我哋就搭西鐵由朗屏去到紅磡再過對面月台搭東鐵去大埔墟, Hysan上到東鐵好開心, 因為佢比較少搭, 同埋東鐵長期都見到外面環境, 所以十分興奮, 去到大埔墟站, 都係用咗30分鐘度, 跟住往出口直接搭的士入去(商場出口的另一面), 大約$30只需10分鐘就到了小白鷺餐廳門口



交通
大埔虛火車站乘綠色的士,10分鐘內便到,車費約30元。
離開時在白鷺湖互動中心出入口處有電召的士電話提供。(不過假日可能比較難Call, 試吓同Call講可以+$20或雙倍車資, 記住經Call台電召的會收番$5手續費)

電話
26576657

網址
http://www.lakeegret.com/

(以上資料更新至文章當日)




沒有留言:

發佈留言

Related Posts Plugin for WordPress, Blogger...